مشينا تلات ايام روحنا وجينا واتشلنا واتحطينا وتعبنا ورجب واخدنا كل يوم في حته جديده
الواقعه الكبيره اللي احنا بنقعها كل يوم في رجب
إن حد بيستفزك
كده كده بنقع وكده كده الشيطان بيسلط علينا شيطاين الانس والجن سواء في ظاهر أو باطن
تعالو النهارده ناخد واجب اللهم أسلل سخيمه قلبي
يعني وقعت ايه المشكله
منقوم تاني عادي يعني
هو الشيطان لما احنا بنقع بيمسك معانا حته خطيره جدا خدو بالكو منها كلنا بنقع فيها
طبيعي اني اقع وطبيعي اني اروح واجي وطبيعي أن الشيطان يجي عليا ويضحك عليا وضربه مني علي ضربه منه أمر طبيعي
اللي مش طبيعي اني مقفش تاني
واللي مش طبيعي اني لما اقع ميبقاش عندي اعتقاد اني هقوم تاني طب ايه المشكله
طب اقوم تاني ازاي؟!.
بحجتين بالتوبه
بكل يوم جديد فيه توبه جديده صفحة جديده
والتوبه بسيطه جدا
استغفر الله العظيم الذي لا اله الا هو الحي القيوم و اتوب اليه رب اغفر لي ٣ مرات بكل قلبي احس بيها اوي اوي اوي
غفرت ذنوبه ولو كان فار من الزحف
حبيبي علمنا كده علمني اقولها واتخيل ثوبها ده
ليه دايما كل مره تقولها فيها تلات مرات عشان تحس انتا بتقول ايه!؟
بتستحضر بقلبك الاحساس ده أن كل ذنوبك اتغفرت يقيناً
الحته التانيه مخلاص دخل في قلبي فتنه فلان حرق دمي فلان منرفزني فلان فلان
هتقول اللهم أسلل سخيمه قلبي
يعني كل حاجه دخلت جواها يسحبها يشيلها في سعتها
يارب اتشربت فتنه من اول رجب انا مش عرفها لغايه دلوقتي يارب اسحب
وجواك رعب أن دي لو قعدت شويه هتعمل بقعه فاهم لما تكون حاجه مزيته كده ماسك حته كيكه حطتها علي حاجه قماش هتبقع
وحتي علي زجاج هتبقع يمكن علي قماش مش هتطلع لكن علي الزجاج سهل تمسحيها
تعالي نمشي بالمبدا ده أن الفتنه دي عامله زي الحاجه المزينه لو حطيتها علي اي حاجه هتعمل بقعه والبقعه دي هتبقي مصيبه سودا في قلبنا خلاص كده مفيش حاجه هتدخل فيها هتلاقي نفسك بتأدي حركات وبس ومفيش حقائق بتحصل
قلبك مش عارف يحضر زي الواجب اللي احنا عاملينو كده حضور في خمس صلوات طب انا هحضر ازاي وانا اساسا قلبي مبقع مش عارف اكمل طب الحل ايه؟
الحل اني انا اركز في البقع دي اول باول امسحها
اني انا اركز حتي لو اتحطت علي القماش عشان صعبه أني اشيلها اركز اوي عيني وعفيتي علي قلبي أنه مايتلوث
قلبك راس مالك في دنيتك إياك تضيعو
والحل.. إياك نعبد وإياك نستعين ١٧
وأننا اشوف الجدول واحقيقو الحضور هو الأساس عيش ليه وبس طوف حوليه وبس
و الصدقه برهان صدقك
اني كل يوم أتصدق بنيه ربنا يحميني من فتنتي
ومن الفتنه اللي انا داخل عليها وأن الشيطان شغال قاعد بيخبط في قلبي يارب احمي محل نظرك ثبته على دينك ياكريم
يبقي كده توبنا وعملنا دعاء اللهم أسلل سخيمه قلبي مسحنا الحاجه اللي بيني وبين اي حد
ركزت اوي في الحضور ولو حتي ركعه واحده احنا كده بنصلي 17 ركعه ده الفرض بتاعنا
حاول تجيبها سواء في سُنه او في فرض
بس المهم تجيب ال17 اياك نعبد واياك نستعين من القلب
تصدقنا دعينا ربنا كل يوم بدعوه اللي احنا بنحلم بيها أننا نطولها ليله في رمضان يبقي باذن الله ربنا هيكرمنا اخر كرم يكون عندك ثقه تامه ان مستحيل ربنا شايف عبد قلبه صاحي معاه ونفسه اوي يرحلو وهو يعني من غير اي شائبه وخايف ومرعوب من فتنه رجب اوي وأنها تأثر في قلبه وأنها تضيع عليه شقي عمرو زي ما احنا بنقول وندخل رمضان واحنا صافيين وجمال كده
هل يستوي الذين يعملون ولا الذين لا يعملون هنا بقي يعملون مش يعلمون لان انتا دلوقتي بتعمل تعبانه وشقيانه وشغاله وقاعده من اول رجب بتشيلي اول باول وتحط وتعبان هل ده هتستوي عند ربنا
زي واحد راح لربنا في أول يوم رمضان اكيد لا
اكيد اللي خايف اوي كده من ربنا وبيعد لليله دي
قبلها بشهرين مش زي ال بينام اللي راح في أول يوم نفرح كده ونكون من السعداء أن ربنا خلانا كلنا من الناس اللي بتدخل لربنا بدري بدري كده ومش مستنين خبطه تجلنا من هنا ولا هنا ولا مستنين بلاء يصحينا ولا مستنين مصيبه تنزل علي دماغنا علشان تفوقنا من سكره الدنيا دي!!!!
لا احنا رايحين لربنا بالاحسان رايحين ربنا بعصي موسي مش بعصي فرعون
ربنا يودينا ليه بمزاجنا وأن احنا بنحوش بمزاجنا من غير مايجي ابتلاء علي دماغنا يخلينا نفوق ده في حد ذاتها نعمه تستحق الشكر فنشكر ربنا على ال احنا بنحضرلو من دلوقتي وأن احنا شغالين في رجب من دلوقتي مش زينا زي اي حد تايه وغافل ومش دريان وفي نفس الوقت ندعي اَللغافلين والتايهين دول اللي بعدو ورضيو بكده أن ربنا يجبهم معانا لان هما نفسهم اداه الاستفزاز بتوعك يعني اللي قاعدين يستفزو فينا كلنا دلوقتي هما ناس اساسا مش مركزين في رجب هما ناس مش واخدين بالهم أن في حاجه اسمها عقاب وثواب والدنيا واخداهم والأكل والشرب واخدهم وحياتهم التافه واخدهم والعيال ووووو لدرجه ان هما مش مركزين أننا في شهر معظم لازم نستطعم الكلمه دي
انتا في شهر معظم يعظم في الأجر
ويعظم في المصيبه
يعني لو بتعمل حاجه وبتخبث وتمكر علي حد ولا بتشحن حد علي حد وزي مقولت قبل كده لو
حد اشتكي لحد من حد يبقى كده شحنو وهو مش دريان بمصبتو دي
اخواتك عملو وسو فيا واللي عملوه فيكي انتي كده شحنتي
عملك كلو راح في لحظه
وحده جت تقولي طب انا هشتكي لمين وافضفض مع مين!!!؟
طب ماتروحي لربنا هو انتي لازم تروحي تحطي سمك ده في حد وخلاص مترتاحيش الا لو سميت حد كل يوم
انتي مسمومه كفايه خيبه بقه واقفل على نفسك ودويها من مصيبتها دي
ندعي ربنا أن يسلل سخيمه قلوبنا ومنكش سبب اننا نشحن حد علي حد ولا أننا نشيل في قلوبنا من حد علشان ربنا يعديها علي خير
اللهم أسلل سخيمه قلوبنا ونجنا من مكر نفوسنا وهب لنا نفساً راضيه مرضيه تؤمن بلقائك وترضى بعطائك وتشكر نعمك بقلب حاضر ليس غائب حضر قلوبنا في حضرتك وإجعل صلاتنا قُرة عين لنا ولِحبيبنا ياكريم
اللهم أسلل سخيمه قلبي
ردحذف