بسم الله مجرها ومرساها بتقولها بالنيه دي أن يُسلك لك مسارات الطاقه اللي في جسمك كلها واليوم الخامس من شهر رجب المعظم

 بسم الله مجراها ومرساها ايه حفظينها وبنقولها وعارفينها وساعات بنعملها في مشكلنا عشان ربنا يمشهلنا وييسر لينا 

المعني الجديد بقي هو انها بتشيل بيها كل كلكوعه في حياتك 

جسم الانسان عباره عن مسارات طاقه العروق بتاعتنا دي مسارات للطاقه 

قولنا الشيطان بيجري فيها مجري الدم من العروق والشيطان شغال علينا وبيلعب فيها

     ازاي اقولها بكل طاقتي من جوه قلبي 

بسم الله مجرها ومرساها يعني ربنا يسلك مسارات الطاقه اللي هي عروقي اللي هي دمي اللي شيطان بيمشي فيها كل حاجه رماها الشيطان جوه قلبي يسلكها ويمشيها كل كلكوعه دخلت جوايا ووقفت طاقتي يسلكها ويمشيها يعني ايه مسارات الطاقه يعني طول مادمي ماشي في جسمي بسلاسه من غير اي مشاكل فاأنا هيكون جسمي وصحتي النفسيه والعقيله تمام عندي توزان زي متكلمنا قبل كده فيه

حصل التوازن حصلت الطاقه مشيت في مساراتها الطبيعيه يبقي انتا بصحه جيده وماشي زي الفل نفسيا وجسديا 

وقفت اتعطلت  حصل الكلكوعه

 الشيطان زي مايكون وقف حاجه جواها يبقي حصل ايه مرض جسدي ومرض نفسي

 يبقي لما نقول بسم الله مجرها ومرساها كأننا جيبنا سلاكه كده وسلكنا كل حاجه مكلكعه جوانا

            تعالو نقولها كده النهارده بتركيز

 ببركه اول يوم جمعه في شهر رجب المعظم

 ونستنا ساعه الاجابه لعلها تكون دلوقتي أو قبل صلاه الظهر أو بعد صلاه الظهر  زي ما قالو أو من العصر للمغرب أكثر الأقاويل ونفضل نركز علي معني ده 

لما تيجي تقول بسم الله مجرها ومرساها بتقولها بالنيه دي أن يُسلك لك مسارات الطاقه اللي في جسمك كلها 

كل حاجه وقفت في حياتك وعملتلك عقده نفسيه من يوم متولدتي لغايه دلوقتي يسلكها

 كل فتنه شربتيها يسلكها كل مرض جوه جسمك يسلكو

 بسم الله مجرها ومرساها على كل ذره في حياتي 

 ونعمل النهارده ورد البسمله ونقول الدعاء بتاعها 

النهارده نيتنا كلها في الحته دي 

            تسليك مسارات الطاقه

ومن مقتطفات القراء وفتن رجب 

ز.ر

امبارح حصل موقف حماتي بعتتلي ريكورد ومكنتش فتحتو خواطري اشتغلت وعماله اقول هي عايزه ايه وفي ايه وهتقولي 

بعدين فتحت ريكورد لاقيتها بتسالني عن حاجه تاني خالص وبتحكيلي موقف أنها قالت لحد أنها بتحبني زي بناتها 

حسيت أن الفتنه بتيجي من اول سؤء ظن دي اكتر حاجه الواحد بيقع فيها سوء الظن ده ربنا مش بيحبو

عشان كده دايما اقول لماما لما أفضل اقول ماما مش فاهمني وهي بتكون نيتها عايزه توصللي حاجه معينه وانا نيتي معها مش حلوه مجرد سؤء ظن ده بيدخلني في متاهات 

سوء ظن ده لو انا متوبتش عنه وفوقت نفسي ببقي عامله زي السبحه اللي اتفكت متعرفيش تلميها الا لما اعترف واتوب من سؤء ظني 

المهم بعد موقف ده استغفرت وقعدت ادعي ربنا يسمامحني عن سؤء ظني بحماتي 

ولما سمعت ريكورد ماما ان اتحاور مع نفسي وقلبي انا بعمل كده طول الوقت مع ربنا طول الوقت حسا اني مقصره بفضل استغفر لو قعدت اتفرج علي فديوهات أو ضيعت ووقت 

وحلمت أن في شيطان كل مفتح قران يجي يطفي والاقي قران اختفي وارجع ادور عليه ويفضل يختفي حسيت ان ده حياتي في طبيعي مجاهده اقوم واقع ببقي حسا أن في حاجه غلط واموت شويه بمزاجي ومره واحده احس ان حد قاعد علي قلبي ابتدي افوق وأقوم

س .ع 

إنا عاجبني الدعاء اللهم أسلل سخيمه قلبي انا سمعت ريكورد كذا مره وكل مره افهم حاجه جديده سبحان الله 

الواحد رغم أنه يحس أن ساعات مصحصح بتيجي ساعات عليه اوقات الواحد يندمج في دنيا لكن حضرتك سبحان الله عامله زي الجرس كده بترني الجرس فوقوا

ن... ع

انا عارفه أن رجب كله فتن فكرت انا مش بحب الفتن وعندي خوف من اي حاجه تجيني معرفهاش جتلي فكره كده أن احنا يابنعمل شر يابنعمل خير لو احنا عملنا خير ده هيبعد عننا الشر فروحت افكر اعمل 

كان في حد اعرفو مش ملتزم في الصلاه قولت يارب أنا عايزه اخليه يصلي اعمل ايه؟ 

حتي لو يصلي مره كل مشوفو اقولو صلي صلي قولت بدل مزن كده اشوف ادخلوا منين زي ماما علمتنا ودنك منين ياجحا روحت قولت ايه سبحان الله وانا بصلي كنت بصلي السُنه جتلي الفكره دي كأن حد بيقولي في ودني قوليلو أن انت بتحب نفسك اكتر من اي حد فسبحان الله بعد. ماسلمت روحت قايله ليه زي مالفكره جت في ودني قولتو انت بتحب نفسك اكتر من اي حد انا عمري ماشفت حد بيحب نفسه زيك كده قالي ازاي انا بحب نفسي قولتلو مش انت مش راضي تقوم تتوضا ومرتاح وقاعد يبقي انت بتحب نفسك ومريحها مش انت مش عايز تقوم تصلي وتتعب يبقي انت بتحب نفسك ومريحها وانا كمان نفسي عايزه ترتاح بس انا مش هريحها فسبحان الله الراجل ده كان كل مقولو كده ياعند معايا لكن المره دي راح قام علي طول من غير ولا كلمه دخل الحمام اتوضي وقام صلي

س.. ع 

انا بعد النصيحة اني مافضفض مع جوزي واحكي ايه عن حد مديقني خت قرار ان مهما يعملو معايا مش هنطق وكل ماحد يزعلني هلتمس ليه العذر واطنش اي خاطره شيطانيه يجي جوزي بنفسو متسخن عليهم وفضل هو ال بيشحني عليهم ضحكت بجد من غباء الشيطان عليا وهو شغال شكوى لما لقطها وفهمت انها لبَعبه من شوشو عليا عشان انا نجحت في الي المستوي الاول روحت رديت على جوزي وقلت ليه عادي بقه اكيد هيا مش قصدها ده انتا عارف انها لما بتتعب مش بتحس هيا بتقول ايه معلش انتو اخوات بردو وربنا وصي على صلة الارحام جوزي تتفاجئ من ردي جدا جدا وهديت النار واليوم عدي بسلام وأمان ولله الحمد