المتوكل سعيد هتلاقي اي حد هابي كده ومبسوط هتلاقي عامل دماغ التوكل يعني مش هنا خالص مفيش ولا 1% شدة اعصاب جبها ازاي ده؟ واليوم ٧ من شهر رجب المعظم

 طول عمرنا بندعي بالشهاده طيب هدف الشهاده ايه أن الواحد يدخل الجنه من غير حساب لان سيدنا النبي قال عذاب امتي في القبور

 فاحنا مش عايزين دي عايزين مجرد مالروح تطلع ننطلق في الجنه

 مين بقي اللي بينال نفس الدرجه دي؟! 

المتوكلون

 درجه غريبه وليها طعم جديد 

يعني بمجرد انك تتوكل علي الله حق التوكل زي ماحبيبنا علمنا انتا كده دخلت الجنه من غير حساب                يعني أنا بقيت في منزله الشهداء 

                وعشت عيشت السعداء 

لان دائما المتوكل سعيد هتلاقي اي حد هابي كده ومبسوط هتلاقي عامل دماغ التوكل 

يعني مش هنا خالص مفيش ولا 1% شدة اعصاب            جبها ازاي ده؟؟؟؟! 

              وصلها ازاي!؟ 

طب مااحنا عندنا درجات كتير الاحسان والشكر والصبر عندنا عشر مراتب اليقين اشمعني التوكل الحاجه الوحيده اللي سيدنا النبي قال عليها يدخلون الجنه بغير حساب وليه 70الف من أُمتي ليه؟ 70الف 

اسئله تجنن يعني عشر مراتب كلها عبادات قلبيه مفيش فيها جوارح خالص!! 

شغل علي القلب يعني ممارسات قلبيه وبس 

لما نقول ممارسه يعني في جهد بيحصل هنا في جهد قلبي بيحصل 

مش بس مسّاحات شغاله بتشيلي الفتن لا ده حد شغال بيشيل اي شيء له أراده داخليه 

     يعني أنا بلا إراده اصلاً

 انا مش موجود انا كل طاقتي الداخليه رايحه فوق معنديش اي حاجه تحت 

يدخلون الجنه بغير حساب الموضوع كبير ياجماعه محتاج شغل ويستحق مننا أن احنا نخدو هدف في رمضان ونشتغل عليه

 ازاي اجيب قصص المتوكلين ونفضل بقي نفتكر سير الصالحين ستنا رابعه العدويه لما كان معها تلاته وفي واحده منهم دخلت الجنه بتصافح الله صباحا ومساء فجت تقول لصحبتها في الرؤيه انها في مكانه عاليه جدا مكنتش تتوقعها 

سألوها كانت بتعمل ايه قالت مكنتش بتعمل اي حاجه

 واحده عاديه جدا لكن كانت لاتبالي علي اي حال أصبحت 

كلمه لا تبالي عندنا يعني مكبره دماغها 

          يعني قلبك مش هنا

 ده انتي قلبك مع ربنا يعني مفيش اي تعلق ولا بولد ولا زوج ولا مال ولا اي حاجه 

زي مبيقولو كده اصبحنا فقراء جميل اصبحنا اغنياء جميل مش فارق معها اي حاجه

               الدماغ دي احنا محتجينها جدا 

يعني محتاجين نعمل ممارسات قلبيه علي عباده التوكل ونركز في معني أن هي نفس درجه الشهيد في حته عذاب الاخرة أنها تدخلنا الجنه من غير حساب                فبتالي لازم يكون في لقطه سينمائيه مبعرفش اشتغل إلا لما يكون في لقطات قدام عقلي وانا بعبد ربنا لما اجي اعمل عباده صح ولما اجي اذكر ربنا صح وأحضر صح في صلاتي الا اما يكون عيني وعفيتي علي حته دي 

علي حته التوكل ازاي ميكنش عندي ولو 1% اراده قولتها زمان موضوع واحنا نايمين علي البحر علي ظهرنا متعه احساس جميل 

يجي اللي بيعلمك يقولك لو انت خوفت لو %1 هتغرق انت تسيب نفسك خالص زيك زي اي ريشه علي ميا 

طب أسيبها ازاي؟! 

انا في ميه وفي موج وفي رعب 

يقولك مجرد مجسمك يفك وتسترخي المية لوحدها هتشيلك هو ده المعني بتاع التوكل الحقيقي

        بمجرد ماجسمي كله يفك

 الميه لوحدها هتشيلني

 يعني اكون واثقه بربنا ان مستحيل يوديني في حته وحشه الدنيا لوحدها هتشلني

 إذاً كما قال حببنا... يادينا من خدمنا فاخدميه ومن خدمك فاستخدميه

  يعني كده خلاص انا خدمت ربنا وكنت مسلمه لربنا واثقه في ربنا اوي مش كلمه واثقه لا انا واثقه اوي في درجه معينه كده اللي فيها اوي دي

 هي دي قمه الاسترخاء علي ظهرك في الميه َسايب جسمك تماما 

تعالوا نركز أن يوميا نمارسها دي مع نفسنا كل مااعصابنا تتشد خوفنا على وظيفة وعلي عيالنا خوفنا علي مال يضيع مننا الخوف الشرير

 الخوف اللي في تعلق بالدنيا احنا غارقنين بمعني الكلمه فيه

وممارسه يعني ايه أن كل ماحاجه زي كده تجيلي اخد نفس وافتكر أن انا دلوقتي نايم علي ظهري في ميا لو اتشديت ولو لحظه هغرق مش عايزه دي 

هتبقي ممارسه هي دي كل ماحاجه تيجي تشد اعصابك لا فكيها 

فك يعني متتعلقش عارف لما حد يتعصب وماسك  حاجه في أيدو كده لا فك فك سيب نفسك تماما وخليك واثق في ربنا يوديك  شمال يمين فوق تحت خلي عندك ثقه في اللي خالقك أن مستحيل يوديك في حته وحشه حتي لو كان ظاهرها وحش حتي لو انتا شايف أن في كارثه كبيره داخله عليك وفي هوجه كبيره داخله عليك اهدي وخلي عندك ثقه في ربنا 

اتنفسي كويس أعتقد أن من اكتر حاجات اللي هتعينا في ممارسه التوكل هي التنفس مهم جدا 

لان زي مقولنا قبل كده الشيطان بيجري في دمنا زي ماحبيبنا قالنا يجري في مجري الدم من العروق وقولنا قبل كده 

التنفس السليم المنظم يعني حسا انك بتتنفسي في حاله تركيز شديد 

انك تاخد الأكسجين وبعدين اكتمو وبعدين انزلو زفير  في هدوء ودماغي رايحه في حته اني بسلك الشيطان من جوايا واني سديت المجري بتاعو فبتنفس وانا مركزه في قضيه أن التأمل أن الشيطان بمجرد اني انا بركز في وريدي ودمي اللي داخل ده بسلك الدنيا ليه يبقي اكيد الشيطان لحظه دي مش موجود عشان كده قولت لما نيجي نعمل تأمل فك نفسك تماما كل اللي بتعملو بتدخل جوه البيت المعمور تخيل صوره ما 

زي مايكون انتا في البيت المعمور ومركزه في حاجه واحده بس انك تفك نفسك خالص وتقول لفظ الجلاله الله الله

 خليها تخرج وهي مستريحه تخيل لو فضلت تعمل كده كل يوم تلت ساعه وبعديها تمارسها في أرض الواقع كل ميحصل حاجه اتنشن في اليوم فك نفسك كل محد يتنشنك فك نفسك وافتكر واتنفسي 

طبعا مطبات التوكل 

بتخلينا نقع فيها بجداره... ماسكه الموبيل اللي سكرول اللي بنعملوا طول النهار الريلز بنتفرج عليها ليل ونهار كلام ده كله لازم يتعملوا بوز من الحياه مسموح لك ساعه واحده فقط بتاعت الضحك محتاجين كل يوم ساعه ترفيه مش اكتر من كده مش عايزين نضيع اكتر من كده 

التوكل ده مزاج 

محتاج منا نركز في المحيطين بينا عينك علي مين ياتري هيدخل يخبطك خبطه علي وشك 

يدخلك جوه دائره التعلق وتخليك تحتار

 طب ياتري انا هعمل ايه!! 

الكلام ده مش عند المتوكلين ربنا هيدبرها صح في كلام بيتقال علي اللسان حلو اوي طعمو جميل

        بس لو فعلا القلب حسو ينهار ابيض

 ربنا يدوق قلوبنا المعني ده ويوصلنا من هنا لغايه رمضان ونكون اخدنا كده الدكتوراه في التوكل وربنا يرزقنا جنه بغير حساب