المتحولون واليوم السادس لشهر رمضان المبارك

 واخدين بالكو

وبنقول شيطان اتحبس والمصائب كلها ابتدت مع دخول رمضان وبعدين نقول لا الشيطان متحبسش لا ده لسا موجود في ناس نفسها 

طب ايه؟؟؟!!! وليه احنا بذات المستهدفين 

اللي حصل الفتره اللي فيها من اول رجب بنستعد بجديه وصدق لربنا 

 وهو كمان بيستعدلنا بس احنا استعدادنا واضح وقاعدين شغالين مسابقات ومقالات وشغالين بالجامد 

العدو أثناء ده طبعا دي ساحة المعركة وحربنا جاليه وحربو خفيه

الحرب الجاليه اللي احنا قاعدين بنعملها عليه احنا العدو أعلن علينا الحرب بمجرد استعدادنا 

بس بالحربو الخفيه هو بيعمل ايه بقي؟! 

إِنَّهُ يَرَاكُمْ هُوَ وَقَبِيلُهُ مِنْ حَيْثُ لا تَرَوْنَهُمْ 

 أثناء ماإحنا بنحضر هو كمان بيحضر في سعتها تيجي بقي الفتن اتاري الفتن مش احنا اللي بنشربها منتي عامله لنفسك انتي حطين درع الحمايه  هتشربيها ازاي وحتي لو اتشربت شغالين في أثناء المسابقه بتعتنا اللهم أُسلل سخيمة قلبي ونيجي كل جمعه يارب امسح لو حاجه دخلت امسح 

احنا مركزين في الظاهر لكن هو شغال في الفتن على كل المحطين بينا والمحيطين بالمحطين بينا كمان

عارفين اللي اجلب عليهم بخيلك ورجلك وشاركهم في ألاموال والاولاد 

الايه دي بتتظبطلنا من شهر رجب اللي هما مين بقي تيجي واحده تتعامل مع حماتها يروح لحماتها يقولها خدي بالك دي مكنش قصدها كده دي كان قصدها كذا كذا بيلعب في نوايا الناس 

عشان كده ربنا علمنا ملناش دعوه بالنوايا بتاعت الناس اللي قدامنا

انتي بتتعاملي بظاهر الأمر ملكيش دعوه هو جواه ايه الشيطان بيلعب في حته النوايا دي اللي ملعب اللي بيلعب فيه 

فهو اشتلغنا في ابحته دي دخل علي كل اللي حولينا بلا استثناء واشتلغهم يلعب عندهم في لعبه النوايا من ناحيتنا احنا ابتدت يحصل شحناء

عشان كده سيدنا النبي والله لاأخاف ان تشركو من بعدي ولكن اخاف عليكم الدنيا فيبتدي يدخل من تفاصيل الدنيويه 

لا دي بتاعت مصلحتها دي عايزه كذا دي بتقولك وهي بتعمل كذا انتو فاهمين حركات الشيطانيه دي كلها 

هو ده بقي اللي بيسميه سيدنا النبي حببنا قال ايه؟ رضي بالتحرش يعني الشيطان يأس انو يُعبد في بلدكم هذه ولكن راضيا بالتحرش بينكم كلمه التحرش يعني يدخل يتحرش بيكي يقعد يتكلم ويوسوس في ودانك يقولك فلانه كان قصدها كذا ومكنش قصدها كذا خودي بالك من كذا وركزي في كذا تلاقي في صوت في ودانك شغال 24 ساعه ويركزلك علي شخصيه معينه بعينها اهو احنا الشيطان ركز على شخصيات كل المحيطين بينا

 عن طريق ابليس هي دي الفتن اللي اترمت من اول رجب واللي احنا بنشربها ومستغربه ليه رمضان اولو ضرب ضرب وشكل موضوع صعب جدا هو في ايه السنه دي؟! 

مش احنا اللي شربنا الفتنه اللي حولينا اللي شيطان شربهم الفتنه من ناحيتنا احنا 

فبتالي هتلاقي كل الناس مشحونه شفتي لما س.م قالت جوزي مره واحده هاج وبيزعق بطريقه غريبه ولولا لميت الدور فأنتي البطله بتاعت الفيلم واللي حوليكي كبمورس المشحونين عليكي وقاعدين شغالين عايزين يجيبو اجلك

 اللي بيوجع في الليله دي ايه المشحون عليكي ده واللي عايز يجيب اجلك ده اقرب الناس لقلبك

 هو الشيطان خدو وحطو تحت باطو كده وظبطو فاحنا عايزين نعمل لعبه حلوه اوي احنا لسا بنقول ايه الشيطان خدو يعني مش هو يعني ملبوس يعني جوزك مش جوزك يعني اي حد من الي حولينا مش هو 

هو ملبوس بحد معين يعني الشيطان لبسو وحاطط فيه كل السم بتاعو

 المتحول 

عارفين افلام اللي هو حد متحول ده حد ركبو فمبقاش معانا بقي مع ألاعداء فمستحيل تقولو خد مسدس وروح اضرب ده ازاي ده صاحبك بس هو متحول دلوقتي هيموتك لو انت مموتوش هيموتك فلازم تموتو 

المفروض يحصل ايه أننا نهرب منهم

 نتجنبهم علي قدر المستطاع بطوله س في قصه بتاعت جوزها عشان متعشيش الدور وتقولي انا استحملتك وتيجي بقي في العيد تقولو انت فاكر اليوم الفلاني انا كنت ماسكه نفسي وعلي اخري علشان رمضان والله لعمل كذا وكذا 

اوعي متخشيش في الحفره دي ولا تقعي فيها أبدا خليكي بطله الفيلم بتاعك واستمري 

احنا بنتعامل معاهم من منظور أن هما متحولين ملبوسين مش بس النهارده ولا امبارح ده من شهر رجب 

ده تم إعداده لتنكيد عليكي من 60 يوم وكمان جينا في 18 شعبان زيدنا النكال وكانت حرب شديده وبدأنها وعايز يقولك انت اللي ابتديت اشرب بقي يامعلم فجينا في آخر أيام واشتغلنا في مسابقه القران ودي بتنطط الشيطان

 طب تعالو بقي فبتدي يشحن ويحقن اللي حوليكي بقدر المستطاع فاعايزين نركز في حته أننا نهرب قوم بينا نمشي 😂😂

عايزين يبقي ده الشعار بتاعنا لما حد يتحول عليكي وابتدي يظهر عليه الشر وعينو تحمر وابتدي الشيطان يدخل علي طول قومي 

عارفين لو جربتوها هتلاقي لما تيجي تعمليها هتلاقي نفس المتحول اللي قدامي ده لقط تحسي أنه فهمها ويتلم ويسكت بطريقه فيها خنث كده تحسي أنه عامل زي الشيطان اول ميلاقي فهمتي اللعبه من تحت لتحت تلاقي اتلم وقاعد ساكت 

فعايزين نشتغل علي نظام ده كل منلاقي متحول نهرب منه ونتجنبو 

فأعرض عن من تولي عن ذكرنا ولم يرد الا الحياه الدنيا 

من النهارده هيكون شعارنا هو

 الاعراض عن الناس اللي اتحولت وتم استقطبها من خلال الشيطان واتشحنو علينا 

اعمل نفسك ميت 😂

متخديش بالك من اي حاجه بيقولها 

السؤال اللي عايزه اسألو ليكو ياتري اللي انا بقولو ده فعلا انتو حاسينو جواكم 

انا بقيت معاكو جوه الدايره فعايزه اشوف هل انا لوحدي ولا كلام ده لمس كل واحده فيكو بجد احنا فعلا جو الدايره مع بعضنا 

انا كل دوري بحاول اني افهم فبتالي باجي ارميلكو الخيوط العريضه واقول يالا عايزين نفهم حته دي فيها عشان نشوف الانتي بتاعها ايه اليومي أو الاحسان انا دائما اقول الاحسان

 أو الترياق أن ربنا هو اللي يلهمو ليا طب يارب ايه الاحسان بتاع اليوم النهارده علي مين نفسي ولا اللي قدامي كلمه حلوه ولا كتم غيظ 

ايه المفرود النهارده يتم فعله فبتالي جالي احساس بتاع المتحولين ازاي تتعاملو معاهم انك تهربي منهم ده الاحسان بتاع النهارده 

الاحسان خدو بالكو مش معناه أن النهارده خلصت وبكره هيجي عليكي وتهدي حقك منو... لا 

الاحسان معناه البلونه اتخرمت فاهمين يعني 

لما بتكون كاتم الغيظ بتبقي زي البلونه منفوخه وماسك نفسك بالعافيه ده ااسمه كاتم الغيظ 

الاحسان معناه اني جبت دبوس وروحت خارم البلونه دي فمبقتش منفوخه مش هتنفجر 

من جوايا دنيا تمام مش علي أخري ولا تعبانه 

وبعد كل ده هبتسم في وش اللي هو عمل معايا كده واني هتعامل معاه كويس ولا حاجه حصلت يعني هو هيفهم اني تغاضيت هيفهم أنه كان ساعه شيطان وخلاص عدت ونكمل الليله ولا كأن حاجه حصلت مجيش بقي بعد يوم ولا اتنين بعد مارمضان يخلص اقولو نستف ألامور واقولو ياحلو انت عملت وعملت وانا مسكت نفسي علي اخر عشان لا متجيش دي خالص انتي كده ضيعتي اجر الاحسان في الأرض فعايزين نفهما صح ونلعبها صح وناخد الكوره نمررها صح ونشطها في الجون صح الصح

 رد القراء علي مقال 

د.ن ☺️ حضرتك شرحتي كل حاجه بحازفيرها 

انا كنت مستغربه قبل رمضان انا كنت تعبانه تعب رهيب مش ملحقه اقوم يعني اخرج من دوامه اقع في دحريره زي مبيقولو مره انا مره جوزي مره ابني يتعب 

وأقوم انا مكمله هما لما بيمرضوا الحمدلله خفو علي طول انا اللي مكمله 

غير بقي مشاكل اللي متسلطه عليا وحرفيا هو تم تجنيد الي حوليا كلهم وتحديد جوزي وأخواته عندهم مشكله بس هي متسلطه عليا انا 

هو كل واحد بيتصل يشتكلي انا كأن الحل في أيدي وكل ما حاول ابعد ومتكلمش بتحط تاني غصب عني آخرهم امبارح حماتي كانت عندي وانا واخده قرار هي هتيجي أنا مش هفتح موضوع معها ولامن بعيد ولا قريب علشان مكنش انا الوحشه في اخر هسمع واسكت بس هي أصرت تفتح موضوع معايا قولت يبقي خلاص هو كده انا مستهدف في نص الهدف كله جاي عليا انا فحضرتك النهارده فهمتني أن تم تجنيد كل من حولي من أجل ايقاعك 

حتي اتكلم معها براحه حبه حنيه وطبطه وفي الاخر أدتها كبسوله زي ماما بتقول قولتها انتو متخنقين في شعبان والشيطان كان عايز يفتنك عشان تفضلي طول شهر رمضان مشغوله بقطعيتك مع بنتك قالتلي لا ده شعبان اللي بيرفع في أعمال بس شيطان هيتحبس وانتي هتركزي في رمضان ازاي يسبك مركزه كده من غير اي حاجه تقعد تنخرر في دماغك من هنا لهنا حولت معاها الحمدلله ربنا هداها فاضل تكه من جانب آخر وربنا يقويني 

هي كنت مقولها حاجه لا وتزعق بصوت عالي ومنهاره فالاخر هديت وبقت تبصلي باصه بضحكه اللي هو ماشي 

نفس كلام جوزي لما حصل حوار امبارح وجت قولتلو كلمتين وسكت هو هدي كده هدوء غريب 

بس انا خلاص فهمت الليله جي بقي امبارح نفسي اشتغلت عليا في الي ماما قالت عليه ده اللي هو انت هديت انا عايزه اعرف اللي حصل ده حصل ليه فكنت هنخرر تاني امبارح وبعد كده الحمدلله ربنا فوقني والامتحان عدي واللي كان كان فمنخررتش وباذن الله مش هنخرر تاني في العيد غلطه وعدت رغم أن كذا حد من اخواته سالو علي الفوران اللي كان في وعملتي أيه فقولتهم عملت ايه 

ردهم كنتي سيبي عشان يتربا وانتي مغلطتيش ومعملتيش حاجه قعدو كأنهم بيشحونني زياده 

قولتهم ياجماعه لله انا احسنتولو واخدت ثواب الأحسان انا مغلطتش في حقو

هو فعلا كل لما واحد بيكون فاهم بيعرف يتعامل مع موقف انا امبارح مكنتش فاهمه في ايه مجرد ماربنا الهمني وانا بصلي علشان الاحسان وعلشان اللي احنا بنعملوا خلاص بقي كده لعب علي مكشوف

 س.ر☹️ده انا استويت 😂😂 من التحويل ده 

لما يكون مريضه الشيطان مش بيقرب مني ودنيا هاديه عشان بكون ميته اصلا 

اول مفوق وأمسك ورقه وقلم جوزي الهادي اللي بيتكلمش ده اقسم بالله بيتحول زي افلام كده ويبقي شرير انا اصلا افضل ابص لعينه اقولو انت ملبوس مش كده واروح اطبط عليه واقول في وشه بضحك اعوذ بالله من الشيطان الرجيم واقرا ايه كرسي يتلم ويسكت 

وطول مااحنا ساكتين في جروب ومحدش بيتكلم ولا ماما بتبقي دنيا هاديه اول منتجمع التحويل يحصل 

الاول كنت افضل ازعق واعلي صوتي ونمسك في بعض دلوقتي لا 

اروح اتوضا ومبقولش غير صيغه واحده بس 

اللهم صل علي سيدنا محمد وعلي اله سيدنا محمد قد ضاقت حيلتي أدركني يارسول

امبارح عملت الصلاه ابراهميه بصوت مسموع ايه حلاوه دي اول مره احس بطعمتها بجد لاني صراحه اول مره اعمل ذكر بصوت مسموع

اللهم بحق حبيبك المصطفى صفي قلوبنا بحبك وانشر السلام على ايدينا ياسلام سلمنا من عدوك وقطاع الطريق وتوبة تمحو بها ران قلوبنا وخلوة حلوة نتذوق بها حلاوة قربك وودك يارحيم ياحليم ياكريم