متسبش حد يلعب في فكرك خليك راجل صح واختار حياتك علشان محدش هيشيل معاك نتيجة اختيارهم الشيله هتكون تقيله فوق الوصف ياصحبي واليوم ٨ لشهر رمضان المبارك

 متسبش حد يلعب في فكرك 

خليك راجل صح

 واختار حياتك علشان محدش هيشيل معاك نتيجة اختيارهم الشيله هتكون تقيله فوق الوصف ياصحبي

فاكرين زمان لما كنت بعمل مقالات تمارين العلاج النفسي والجسدي كان ساعتها 

   هدفنا منها فك الارتباط 

بين روحك وعقلك وجسدك

 فقولت النهارده فرصه بقي طالما احنا في رمضان وشوشو مش موجود 

ليه لا 

أن احنا نبتدي تاني نجدد العهد

 مع علاج نفسي والجسدي والروحي

 لان انا امبارح شوفت عارفين انا مبتكلمش غير لما استفز يعني من ضمن توابع الزالزل شوفت اتنين من اكتر الناس الي تعبت في تربيتهم في حياتي وهما مرضي نفسيين كانت وحده فاصبحو اثنان ومناظر الثالثه اصل هو فيرس ينتشر وعلى من بدء بنشره سيكون عقاب الرب شديد 

بمعني  مش بس متحولين لا راحو في حته تانيه خالص 

قعدت افكر هو في ايه ده حتي انا اللي المربيه سبحان الله ربنا فكرني بتمارين دي ونبتدي من النهارده اي كلام بنتكلم في بتبتدي تخدي وانتي ماشيه في رمضان لحد اخر رمضان 

            يعني ايه فك الارتباط 

يعني ايه فك الارتباط بين روحي وجسدي وعقلي

    ،،؛؛؛؛؛؛؛؛؛انا مين ؛؛؛؛؛؛

روحي دي حره ربنا خلقها حره ونفخت فيها من روحي واخده افضل تشريف لإنسان

اما جسدك شهوات ونكاح 

اما عقلك اللي بيتبرمج من تصرفاتك اليوميه

         والعقل اتنين 

ظاهر وباطن مين بيحرك مين؟؟؟!! 

الباطن بيحرك الظاهر 

      طب مين اللي عمل الباطن؟؟؟ 

التربيه 

التربيه في الاوعي بتاعنا

 العقل الباطن بيتكون من ام واب وبيت وأسره وأصحاب كل انسان لعب في دماغك من يوم متولدتي لغايه اللحظه دي عمل فلودر عندك بسبب الفلودر ده انتي سعتك دلوقتي في الوضع اللي انتي فيه ده 

يعني انتي مش حره

                       انتي اسيره 

لكل إنسان حط حاجه في دماغك من وانتي عيله صغيره 

       انا مين بقي في الليله دي كلها؟!؟! 

انتي لحد دلوقتي متعرفيش شخصيتك الحقيقه طول منتي مش فاهمه اللي انا بقولو ده 

انتي مش انتي

 لسا محطتيش ايدك علي نفسك الجوهر الحقيقي اللي ربنا خلقك بيه انتي لغايه دلوقتي لسا معرفتوش ليه عشان لسا متعرفيش نفسك 

اعرف نفسك تعرف ربك

وبمئنك متعرفيش نفسك يبقى سعتك متعرفيش ربنا 

         لو عرفتي نفسك صح 

هنا هنبتدي تروح لربنا صح مش بطريقه سستمتك اللي احنا حافظينها 

طيب انا اعرف نفسي ازاي؟؟ 

قولنا انا روح ورحي حره

     بس هي دلوقتي اسيره لمين؟ لجسمي 

وجسمي حابس روحي دي  وهو عباره عن شهوات يعني حبسني جوه شهواتي 

فبتالي روحي تقيله عشان كده قولت امبارح

            كل متزودي عباده تخسي كيلو 

روحك تخف شويه تخف شويه كل متزودي عباده معناها ايه انك بتعكسي جسمك بتخففي الحديد اللي هو محطوط حوليكي بتاعك 

 هو اسرك في الشهوات والاكل والشرب والكلام ده كله انتي بتعملي ايه لا استني شويه لا هزود شويه عشان كده رمضان السنه دي من اول رجب شغاله معاكو يالا نزود يالا نزود لو اخدتو بالكو كل سنه بقول يالا الكيف

       لا سنه دي بقول يالا الكم 

الكم هيجيب كيف 

علشان الحته دي كل متزودتي كل مطلعتي بر اسر نفسك بره الاسر بتاع الجسد لما تيجي تقفي ساعتين ولا حاجه انتي اخدتي من ساعتين دول لما تيجي تعملي اسكرول علي النت

     انتي كده نصرتي روحك علي جسدك 

لما اقولك يالا بقي صيام صح ونكتم كل شهوتنا ولا نتفرج علي تلفزيون مش عشان خاطر حرام لا عشان خاطر روحك تتحرك وتبتدي تعرف انتي مين 

اول ماروحك ترجع سنبتيك وعود فرنساوي كده 🧚‍♂️ فتعرفي انتي مين سعتها 

احنا بنحاول في رمضان ازاي نبقي سمبتيك فالروح بتاعتنا تخف كل ماحنا زودنا العباده 

زودتي يبقي انتي سحبتي البساط من تحت الجسد وأسر الجسد فكيتي الحديد بتاع السجن بتاعك 

انتي روحك وجسمك تحت اسر العقل الباطن اللي هي فلادر

 المكتوبه فيكي من وانتي عيله صغيره

 ماما وانتي صغيره قالت ليكي يامعفنه خلاص اتكونت في عقلك انتي معفنه 

هبقي معفنه ومش هروق الاوضه وهخليها زي الزفت مش هعمل اي ترويق سناني مش هغسلها وشي وشعري مش هسرحو 

انتي كبيرك انك تتحرري من كلام ماما

 فهي خلاص اتكونت عندك فلودر ده بدال متكون فلودر ده وماما وانتي صغيره بتقولك انتي مش نضيفه يبقي انتي هتكوني مش نضيفه خلاص عملت الختم عندك خلاص هفضل طول عمري مش نضيفه لو ماما وانتي صغيره قالت العكس 

وانتي بقي تتعلمي مع ولادك متقوليش الحاجات الوحشه

هنقول ايه طيب؟ حبيبتي أو حبيبي بلاش نعمل كذا مش عشان خاطر كذا 

علشان خاطر انتا نضيف انت معمول نضيف مينفعش تشوه نضافه دي 

العقل الباطن بيتكون بكلامك ال بتقولوا لنفسك والكلام ال بيتقال ليك 

 عامل زي العبيط قوليلو كلام كتير يبتدئ مره مع مره يروح عامل فلودر دأيما تقولي كلام حلو علشان يصدق أنه هو حلو انتي حلوه انتي جميله انتي زي الفل بس ناقصك تاكه ضعننه ايه رايك نعمل كذا ايه رايك نصلح الحته دي ايه رايك نظبط ساعات نومنا

ايه رايك نخلي ساعتنا الدماغيه احنا اللي نمشيها مش هي اللي تمشينا ايه رايك لما تيجي ناكل ناكل براحه ونقفل بؤنا ونغسل اسنانا قبل منام ايه رايك ايه رايك 

اديتي مساحه للعقل الباطن لما يجي يتكون فلودر عند الطفل بتاعك اديتلو مساحه نضيفه مش مساحه اسر متدهوش قرار أن انت حد مش مظبوط انت غبي انت مش بتفهم 

انا بقول كلام كذا مره وانت مش بتنفذو كل الكلام ده بيتكون في عقلك الباطن من وانتي عيله صغيره مهما بقي العقل الظاهر يحط ويتعلم وآمال بقي تيجي تعقد تشيل وتنكت ولا حد بيتغير ولا حياه لما تنادي ليه 

لان الفلادر القديمه المحطوطه في عقلك الباطن خلاص متأكده منك

فكانت التمارين هدفها أساسي الحته دي بس اكتشفت أنه مستحيل انك تعملي تمرين وتفوقي الا لما تكوني انتي من جواكي فهماكي 

انتي لازم تفهمي مين اللي بيحركك من جوه انتي من جواكي جوه عقلك ألا واعي في حد اسرك انتي اسيره العادات والتقاليد اسيره انك قالو ليكي صلي عشان متخشيش النار لكن في الاساس هو ربنا مقلش صلو عشان متخشوش النار 

 لا هو ربنا قال صلو عشان أحبك 

ولايزال عبدي يتقرب اليا النوافل بعد أدائه الفرائض حتي أُحبه

 واذا أحببته كانت سمعه كنت بصره وهكذا 

إذا هو ربنا علمنا وفي حديث قدسي أن الصلاة علشان هو يحبني لو مطلعتيش بيبي اللي في بطنك ده او اللي انتي هتجبيبي ده او نفسك تدريبها وهقولكو ازاي بتربي نفسك من اول وجديد علي انك بتصلي عشان ربنا يحبك اكيد لما تيجي تقفي مش هتبقي ساهيه ربنا قال 

فَوَيْلٌ لِّلْمُصَلِّينَ . الَّذِينَ هُمْ عَن صَلاتِهِمْ سَاهُونَ

 طب انتي ساهيه ربنا مش قصدو بيها اللي مبيصليش اصلا لا قصدو اللي بيصلي وساهي وغافل عن اللي بيقولوا سكران لاتقربوا صلاه وانتم سكاري ليها معني ظاهر وباطن متروحش للصلاه وتقول الله اكبر وعقلك مش في الله اكبر دنيا اكبر 

اذا واحنا صغيرين قالو صلو عشان متدخلوش النار اتكون عندي فلودر 

ان الصلاه شيء تقيل حاجه بعملها من الرعب مش اكتر بس انا من جوايا روحي مش عايزاه فحين أن جوايا حد محبوس بيصرخ بيقولك صلي ده انتي هتبقي سعيده ومبسوطه بس صلي كويس وصلي صح اقم الصلاه صح 

علي حقها ومستحقها 

ااهم ركن في الصلاه هو الطمأنينه

 اذا محدش رابنا علي الحته دي فالعقل الباطن بيصرخ ويقول لا انا خايف من النار وروحك بتصرخ وتقولك لا متخافيش ربنا رحيم يحبك وعمل الصلاه عشان بيحبك وبقربك بيها ليه 

 دي حاجه حلوه اوي زي البنت وهي صغيره لو ملبستيش الحجاب هتخشي النار فتطلع البنت كره الحجاب 

محدش قالها البسي الحجاب ياحبيبه قلبي عشان ربنا بيحب يشوفك مستوره

بيحب يشوفك محفوظه

 لما حد بيحب حاجه اوي انا اديتك جوهره اغلي جوهره في الدنيا تروحي تلبسيها قدام الناس ولا تخافي تتسرق منك؟ 

هتخافي وتروحي تحطيها في مكان معين وتروحي البنك تحطيها برقم سري

 هو الحجاب الرقم السري بتاعك للحفظ والستر 

 ربنا حافظك بالحجاب عشان خاطر الحته دي انتي غاليه وسلعه غاليه اوي عند ربنا فبتالي قالك البسي الحجاب علشان احفظك من عيون الناس احفظك من حد يدخل يبص في تفاصيلك استري نفسك علشان ربنا بيحبك وانتي مستوره 

لما الام تطلع بنتها علي المعني ده بالحب ده بعيد عن الرعب اللي احنا بنعملوا لولادنا يبقي فولدر العقل الباطن حلو 

 ازاي انا خلاص كبرت اهو وعايزه اظبط نفسي وأصلح كل البلاوي السودا اللي اهلي عملوها فيا والمدرسه وألاصحاب وعندي كميه فلادر لا حد ليها سلبيه 

ايه المقياسي عشان الفلودر ده احطو ناحيه اليمين وده في الشمال 

لا شمال ايه دنا هاطلع علي اعلي جبل في العالم وارميه من عليه

 مقياس الروح 

اللي انا حبسها جوايا دي والي انا حبسها جوايا دي عمرها ماهتكون مقياس ليا طول ماهي محبوسه في جسدي 

 طب خسسيها شويه

 خمسين كيلو مثلا السنه دي هدف 

 نستغل رمضان المبارك  ونخسسها شويه بحيث لما احطلها مقياس تقدر تستوعب وتفوق وتاخد وتدي في الكلام يبقي كثره العباده اللي احنا بنعملها والختمات الكتير والذكر الكتير والسجود الكتير

 يذكرون الله كثيرا يشكرون الله كثيرا كثيرا كثيرا 

ليه الكثره عشان تخلي الواحد يخف

يخس كده ويعرف يفهم عن ربه  ويبتدي تعي انتي بتعملي ايه انتي في الا وعي انتي اسيره العقل الباطن احنا كلنا بلا استثناء في حاله اسر لكل فكره جت فينا وفلودر اتحبس جوانا 

كل تفاصيل حياتنا هتلاقي نفسك محبوسه بالف قفل وعاوزين الخشوع والقرب والكلام ده كله وكل متروحي حته وتقولي خلاص بقيت حلوه وجميله تروحي واقعه

 طب كملي يومين تلاته لا مش قادره ليه لان في حاجه جوه الجدر متغيرتش

 إن الله لا يغير حتي نتغير

 يغير دي الجدر اللي هو العقل الباطن لازم يتغير هنعمل ايه هنستغل الشهر الكريم نزود الذكر والقرآن والسجود

 بهدف أن الروح تخف

 علشان احطلها مقياس واحد اتنين تلاته

 ايه رايك؟ الروح هي اللي هترد

 ياتري الحته دي صح ولا غلط لان الروح شفافه فطريه فمكان لله جعلته

عارفين الراجل اللي قال انا وضعت حربه علي باب قلبي أربعين عاما فماكان لله اذنت له بالدخول ومكان لغير الله رميته

 بشلوط مفيش فيها هزار بمجرد متشم ريحه اللي داخل عليا ده لا في حاجه مش مظبوطه ظاهرها حلو شكلك خبيث مش مظبوط

 امتي تعرفي الحته دي امتي تعرفي تقيمي كلام ده لما تتحرري عقلك

 بمجرد ماعقلك يتحرر

 روحك تحرر

 ومجرد متشيلي الفلادر المنيله بنيله ابموجوده جوانا دي هتلاقي روحك لوحدها فهمت وصحصحت كده وبقت نعنوشه وفاهمه اللي ليها واللي عليها محدش يقدر يضحك عليكي بنت ناصحه كده مش اي حته عيل يجي من بره يجي يضحك عليها

عايزين نبص لموضوع الكثره ده من منظور تاني خالص مش مجرد كلام

 انا بكتر عشان روحي تخس انا بكتر عباده عشان روحي تخس

 علشان افهم علشان اميز بين الحق والباطل

 اميز بين كل فلادر اللي دخلت فيا مين وانا عيله صغيره وأحط الصح في مكانه وآشيل

  بمجرد متخدي القرار ده هتحسي بمعني الوعي مصحصحا منتيش اسيره لحد ماسك دماغك بيلعبلك فيها بناء على انو هو كمان ملعوب في دماغو تحسي انا شيفها كده صورة  مديا صوره واحد ماسك دماغ حد بيلعب فيها وتاني ماسك دماغه بيلعب فيها طب مين الحقيقي؟!!!! 

احنا عباره عن دماغات ملعوب فيهها كلنا 

مفيش حد علي حقيقتو

 خلي رمضان السنه دي تعرفي نفسك بس 

مش عايزه منك اكتر من كده 

عشان تقدري تعرفي نفسك لازم تكتري العباده علي قد متقدري ركزي أن روحك تخس السنه دي ركزي اوي في كل فولدر معدي عليكي كل تصرف بتعملي يوميا التصرف ده جاي منين هو مين اللي حطو فيا تصرف معين اتعمل من واحده معينه تقعدي تبصي هو ايه ده طب هي جبتو منين مش بتنقدها أما بقرا الاحداث علشان اعرف اقرا احداث نفسي انا كمان عاده الانسان بيبقي سهل ينقد اللي قدامه تعالي خديها كده

 كل متنتقدي حد خوشي جوه نفسك في نفس اللحظه قولي ايه ده انا عندي نفس الفلودر ملعوب في دماغي فيى اي حته .يعني حسني الحسن وقبحي القبيح 

يعني  ماكان لله ادخل أهلا وسهلا وماكان لغير الله قولنا هنمسك الفلودر ده في ساعتها وفعلا دي حقيقه بتحصل

خودي القرار ده قفشتي فلودر مش مظبوط تخيلي كده انك مسكتيه في ايدك 

مصدقتي مسكتيه وافضلي اطلعي اطلعي لغايه متطلعي البيت المعمور

 ومن عليه تروحي رمياه بسم الله ارميك ولاحول ولا قوة الا بالله وتروحي رمياه

 احساس ممتع مش عارفه اقولكو اد ايه قمه الروعه لاتقوليلي بقي دكتور خشبه ويعالجك نفسيا انتي بتعالجي نفسك بنفسك

 منتيش محتاجه لحد 

بس محتاجه تفهمي كينونتك ايه 

وفيك انطوي العالم أجمعو 

انتي كنز جواكي كنز غالي اوي وبايدكي حبستيه

اللهم أبعد عنا كل ما يُدمع عيوننا وأبعد عنا الضيق الذي يخفي ابتسامتنها اللهم ارح قلوبنا وعوضنا عن كل أمر أحزننا و أجعلنا من الذين تدبر فرحتهم في السماء الآن و أمانيهم أوشكت أن تكون واجعلنافي عنايتك فلا يضرنا بشر ولا يبكينا قدر يارحيم