نظام يومي يحميني من التوهان وفك شفرة الصندوق الاسود

فيما سبق قررنا أننا نقرر نغوص فينا

وقلنا إن الحته المُظلمه فينا لو قدرنا نوصلها صح هتتغير حياتنا 

كلمة السر فيها.... القرار

القرار بكل تفصيله في حياتك مهم جدا 

القرار بيدي مصداقية لعملك بيجعل العقل الباطن مرتاح لانه اصلا لا يعمل الا بالأمر

 فحينما تعطيه أمر ما في موضوع ما كل المطلوب منك فقط التكرار حتي يثبت له إنك جاد في قرارك هذا 

والحالة النفسية ماهي إلا ردت فعل للحالة الجسدية لنا

و كل ماكان الجسد مرتاح 

النفسية هترتاح

 عشان منروحش لبعيد ونفكر اننا جالنا إكتئاب ونعدد الأمراض النفسية وما أكثرها لو كل الأطباء النفسيين

جعلوا  اول  رقم عندهم ديتوكس لجسد المريض ٣ أشهر نظام غذائي سليم تنفس سليم  يوجا تأمل وكل ذلك بشكل يومي مستحيل هيكون في مرض نفسي و لا جسدي 

اليوم هنغوص في الجسد اكتر

 الهدف ديتوكس للجسد

 تنقيه الجسد من السموم نظام غذائي بيعمل وعي ليك صيام متقطع ١٦ ساعة بينظف الجسد من الشوائب

وحينما تاكل تكون مركز 

اولا ده مش رجيم 

دي ( مراقبه اكلك)

فكره عامه عن النظام:كلمة مراقبة زي  الوعي هدف حياتنا نعي ما نحن فيه متعيش في الا وعي كن مستيقظ لكل تفاصيلك علشان منجيش نقول ليه بيحصلي كده ليه بتوه ليه مش مركز ليه في ضبابيه عندي

بداية يومك هتبدي بكوب ماء علية لمونه شرائح وبعدين نمشي نص ساعة 

نرجع نشرب القهوة بتاعتنا وطبعا من غير سكر نهائي في نظامنا السكر ملغي من الحياة 

اول اسبوع هيكون صعب تاني اسبوع هتتعود تالت اسبوع هتكون مستمتع بطعم المشروبات لان السكر بيخلي الكل واحد من غير السكر بتحس بطعم كل حاجه على حقيقتها هنبتدي نتعرف على كل مشروب من جديد 

بعد القهوه هنعمل تمرين التنفس خمس دقائق

ثم نبدء الفطار 

ازاي اكون واعي وانا باكل عد على نفسك كل معلقه حاول متكلش بعيش بقدر المستطاع اعلم انه صعب ولكن نحاول نقلل بقدر الاستطاعة

 مش هنمنع غير السكر  أما العيش مرحلة متقدمة ولكن الصيام المتقطع بيحميك من أضرار العيش لانه بيعمل ديتوكس عام لجسدك

أثناء عمل اذكار المساء اربط الاسترتشات بيها مش عارف وبتعملها وانتا سايق اشفط بطنك او ركز في تنفسك المهم ان تعي ما تقوله والعاده بتخلينا في دوامة مش بنحس بنقول ايه 

الغدا بيكون اي حاجة مش هنركز بناكل ايه بس هنركز بناكل كام الكم مهم جدا في نظامنا يعني كل ببطئ حتى تستمتع به امضغ الطعام جيدا حتى تأخذ وقتك وتشعر انك بتاكل كتير يعني بتضحك على نفسك الكمية قليلة والوقت كتير

وبردو بعد الغذا اعمل مجهود اي مجهود بسيط اتمشى شويه في البيت المهم انك متمسكش موبيلك نهائي بعد اي وجبه لمده ساعه

ادي لنفسك فرصة تحس بيدخل ايه فيها كل ماكان وعيك بما تدخله لجسدك كبير كلما كانت نفسيتك مرتاحه

وبعدين خلي العشا بتاعك خفيف يعني لبن رايب لب مقرمشات وبكمية قليله ويكون قبل نومك ٣ ساعات

نام نوم هادئ ومبكر بكل طاقتك وكن على موعد بطاقة الفجر هنا فقط ستقوم لساعة التنزيل الإلهي بنور وسرور وجسمك هيكون خفيف ومرتاح