اقلق لو قلبك ابتدي ييأس تكية الذاكرين

  

 حينما نسعي الي ذكر الله

بتحرير عقولنا وأرواحنا من أسر الصندوق الاسود نتوقف في امتحانات الحياة ونحزن كثيرا 

       ونتوه ولكن الرب الرحيم يحبنا ويريد بنا الخير 

في طريق الحرية ستجد أناس يحبونك واناس يكرهونك

🤚 فلا تتوقف عند المحبه ولا عند الكره

     👌  ولا المنع ولا العطاء يهزك 

✍️وهذا هو امتحان الادب في حضرة الرب

 

👌 اقلق لو قلبك ابتدي ييأس 

اقلق لو شيطانك اغراك بالدنيا وخلاك تندمج فيها وتسرح عن معية ربك

 تقلق مش لما ربنا يمنعك🤚

        🤍 تقلق لو مفهمتش حكمة المنع 

لان ورا عدم فهمك هذا ستستدرج لمخالب الشيطان فخد قرار الأدب من اولها كده

 وبرمج عقلك على قبول اي شئ سواء منعك او عطاك كلوا رايح ولا دايم لك الا وجه ربك فكن معه وحده 

🤔طيب كلنا عارفين ده بالعقل ليه ساعة التطبيق مش بيتحقق؟! 

            لان قلبك فاضي🖤

 وبالتالي  الكوبايه الفاضيه فيها هوي

            وبمجرد ماتفضي كوبيتك

 طبيعي هتحكم على الأشياء بنظره ضيقه وهتشوف الدنيا بعين ضيقه👀 وسوده كمان🐊🕷️🐊🪱🕳️💰😈👾👽شيفها بالطريقة دي حرفيا سمك لبن تمر هندي مدهول ياعيني يامسكين بعد ما كنت منور ظلمت معاك بسبب العطاء تخيل بقه

عمرك كنت تتخيل ال كنت هتموت عليه زمان ده وداك فين أما ختو 

عرفت بقه ليه منعه عطاء🤔

 هتنسي ان ليك أخره وان قبرك أقرب إليك من نعلك

 وهتنسي ان في جنه ونار وثواب وعقاب

 وان ممكن تتخطف في ثانيه وتكون تحت التراب في أقل من فوتو ثانيه كمان طول ماالكوبايه فاضيه توقع التهليس في كل حياتك 

فراغها مصيبه ليك لأنك هتاخد قررات غلط هتكلفك تضيع سنين في عمرك لأنك ممكن تضل حد كان ممكن يكون كويس طول منتا جانبو كنت شمعته 🌡️

وطفيت نفسك بنفسك بالتالي هو كمان انطفى معاك سواء حبيب أو قريب المهم بقدر عدم تركيزك في ملئ كوبيتك بقدر منتا هضيع اغلي ما تملك 

فكن حذر مستيقظ فاهم انك تحت سلطان الله وقدر الله وبركاته وحنانه فتعرض لحنانته بالتقرب له بأسمائه وتودد له بحمده وكن له كما يريدك 

هو خلقك لعبادته فلاتلعب

 وقسم لك رزقك فلا تتعب

 ان انتا رضيت بما قسمه لك ارحت بدنك وعقلك وكنت عنده محموداً

وإن لم ترضى بما قسمه لك اتعبت بدنك وعقلك وكنت عنده مزموماً 

فتعرض للحمد واملئ قلبك بحمده وذكره َوشكره وحط الفيشه صح متذكرش بلسانك فقط خلي قلبك يحضر ولو في القليل المهم يكون هدفك حضور قلبك مش لسانك فقط  

 والشكر علي النعماء والرضا برهان الحب ومقام من أعظم مقامات المحبين و الكسل ثمارة الخمول الجحود والحسد هتلاقي نفسك بقيت حاسد بعد ماكنت بتترعب منها هتلاقي نفسك حاقد غلول بتبص لل في ايد غيرك تخيل كل ده بعد العطاء الذي لا يُحمد🤚احذر ياعزيزي 

            ﻷن الله قد أمرنا بالسعي و العمل وهي الخلافة وخلافتك تكن موفقه بقدر عبوديتك

 والشكوى لغير الله مذله تنافي الرضا و التسليم ﻻ تشكون لغير ربك علة فهو العليم و غيره ﻻ يعلم فإذا شكوت لغير ربك إنما تشكو رحيما للذي ﻻ يرحم

                                      👌وما تطلبش العوض

احساسك أنك عاوز تتقدر وتاخد عوض اعملك وتعبك ليس له معني غير أن عملك هباء منثور يامسكين

 يعني انتا حاسس انك شئ وعملت شئ

يعني ليك كيان دي لوحدها مصيبة في القلب ربنا يرحمنا منها 

القلب مدفون فيه كوارس مشحون هوي في شريك في قلبك خود بالك بقه

لاشريك لك يحتاج قلب يتذوقها بصدق 

                  جاء وقت ان ندرك معني لاشريك له بقلوبنا

 الله حبيبك خلقك لتحبه ويتحقق فينا يحبهم ويحبونه اي بدء بنفسه جل جلاله

 هو الله هو الاول والاخر 

🤔مين بيدخل في الوسط بينا

 🤚نعمه كتير

 فبدل ما نحولها ليه بنعيش فيها ونندمج يمكن في اولها بنفرح فرح حلو ونشكر ربنا اوي اوي 

لكن مع مرور الوقت بنآلف النعم ومع الاإلف بيتحول من انك تعيش مع المنعم ال انك تعيش مع النعمه لدرجه انك تنسي اصلا انها نعمه

امتي اعرف اني وصلت للدرجة دي؟؟ 

اما أتقهر وازعل واعيش في نكد ال ربنا سماه ضنك يعني عيشتك بقت ضنك وغم وهم وقيل وقال وتوتر كل ما هو سئ وبتجي من نحية ال اخلصنا ليهم وحبيناهم اوي 

ربنا بيعذبنا بمن نحب حتي نرجع لمن أحب 

            الجزاء من جنس العمل

بمعني اما تلاقي حبيبك قاسي عليك يبقي انتا قلبك قسي مع ربنا

 وبطلت خشوع والفت نعمته وكذلك مع اولادك وعملك وزوجتك وقد قال احد الصالحين إني لاري اثر معصيتي علي زوجتي ودابتي يعني كل متلاقي زوجتك منكده عليك او عربيتك مزرجنه اعرف انك مش راضي ربك

🤚خليها ترمومتر حياتك

👌 مكان ضيقتك هو نفس مكان انتا قصرت فيه مع ربنا

              إذا لاشريك له اي لا ند لا حب لا محبوب هو محبوبي هو مطلوبي هو كلي وجزئي به اتنفس وبه احيا وبه انعم وحينما اتعايش في دنيتي اعيشها ليه بصلوه بنظرة انتا راضي مع كل تصرف وحركة ارمي نظره واسئله راضي يارب 

                       متعة التحرر تحس انك طاير اول ماتوب من الحته دي بتجيلك همه حاسس انك تملك الدنيا كلها وان ليك جناحات تقدر تطير بيها 

معني التحرر الحقيقة في لاشريك له هتحس انك مالك الدنيا بإيدك 

               قمة الحرية في قمة العبودية

 وبينهما سلالم بنروح ونيجي فيها لكن لازم نفهم اننا كل ما بيتحقق في قلوبنا معنى لاشريك له بنقرب من معاني التحرر بتحس انك طاير في سماء الحب مش محتاجه حد يطبطب عليكي خالص متنعمه في نعيم الحب مع محبوبك الاول والاخر

مش مهم نقع المهم نفهم سبب وقعتنا وان الغم سببو الشريك ال احنا حطناه في قلوبنا بأيدينا من اليوم قرار غلق بلوتوث قلوبنا عن كل البشر الا خالق البشر وحبيب خالق البشر

هو وحده الذي يستحق ان نعيش معه ونتخيله مع كل مرة بتردد فيها لاشريك له تخيل من احببتهم في دنياك واعمل عليهم علامة إيكس× لامعبود إلا الله لا محبوب إلا الله لامقصود إلا الله

اللهم بجمال حبيبك جمل قلوبنا لتتشرف بنظرة رضي لاسخط بعدها حتي لانري ولانسمع ولا نستمتع إلا بحضور حضرتك وبحرية آلا شريك لك انعش قلوبنا بها ياكريم حتي نتذوقها خالص مخلصه لك وحدك لاشريك لك وان يتحرر الاقصي المبارك من أسره ياكريم