تكية الذاكرين سند القلب

في تكيتنا هدفنا حال القلب

وعلشان نفهم أهميو لازم نتعلم هو ايه؟!

القلب له أمران: علم، وعمل.

العلم: يقدمه لأنه أصله وشرطه.

والعمل: يتبعه لأنه ثمرته وفرعه، 

مع كل حركة وسكون بتعملها لها 

ثلاثة أمور:

                علم، وإرادة، وقدرة. 

قالو مفيش علم مفيش نية ولو مجتش النية مش هتلاقي نفسك قادر تعمل حاجة متكتف

 مثلا مستحيل تجيلك إرادة في حاجة انتا معندكش علم بيها يعني علمك بالشئ بيحفزك للهمه ال هيا الإرادة ال هيا النية وهي انبعاث القلب إلى ما يراه موافقاً للغرض إما في الحال أو في المآل، يعني كل ما قلبك يتحرك لشئ سواء حال أو حياة أو هوي حتي

 اي حاجة بتحرك قلبك اسمها إرادة فا مستحيل تجيب انسان كسول مثلا وتحط ليه هدف ويكملوا لانه اصلا بلا هدف هدفو الانتخه عايش علي الكلام وبس همه مفيش اكشن

 يصحي وينام علي احلام كتير اوي وتجي ساعة الجد متلقهوش روحت فين هاقوم ها عمل هاذاكر ها ها ها كلو ها هل دي تسمي إرادة أو نية ؟!

نعم هيا دي نيتو هي دي العربية ال هو اختارها يكمل بيها حياتو عربية مهكعه تقوم شوية وترجع تدلق تاني إذاً نوايا كل انسان فينا مش شرط تكون نية خير او شر حتي مجرد انو نوي ميكنش حاجة اي حاجة فهو كدة نوي 

بمعني العلم بيحرك النية فمن لا علم له لا نية له 

العلم نور والنور بصيرة يعني بتشوف صح وتمشي صح ويتكون متفائل مهما يكون ظاهر الشئ شر انتا شايفة خير لانك ماشي في النور ولأن قلنا 

      النية ===التوفيق 

متجيش بعد كده تقول ليه بيحصلي كده ؟!

وتندب حظك 🤚لا ده مش حظ ولا حسد دي نيتك سعتك وعشان كده بنقول أن الكون صدي لصوتك الداخلي وصوتك ده هو هدفك نيتك

 وعلي العكس تماما ال مريح وعايش في دور المسكين ال عاوز حد يطبطب عليه كل شوية حابب دور الضحيه ده بردو ليه نيه بس نيته عن ظلام في نفسو مش شايف صح متوهم انو شايف بس هو اعمي

 علي قلبه هوي حول النور ظلام

 🤚والهوي مصدرة الدنيا

 وحبها طمع في فلوس أو جاه او او المهم هو طماع مش راضي بحياتو بيبص ال في ايد غيرو وده حرفيا بيتحرم  عليه عيشتو لانو عامل لنفسو حياة مظلمة 

طيب هل يحاسب العبد على خفايا نواياه ولا علي أعماله الظاهرة؟! 

اقْرَأْ كَتَابَكَ كَفَى بِنَفْسِكَ الْيَوْمَ عَلَيْكَ حَسِيبًا             لكي تحاسب نفسك وتدرب علي الحساب فإن نجحت في ذلك كفاك ساعة الحساب 

ويدرب قلبك علي الاعتماد علية وليس علي البشر فتفتن بهم

فقد تعتمد على إنسان يحبّك لكنه ضعيف لا يستطيع أن ينجّيك مما أنت فيه 

وقد تعتمد على إنسان قوي ولكنه لا يحبّك

 وقد تعتمد على إنسان قوي ويحبك ولكن لاتصل إليه

 فاانزل على قلبك برد الرضا فيصبح ساكنًا هادئًا

وتنفس السكينة حتي ترضي بما قسمة الله لك فإن رضي قلبك يحي مواته

 سترتفع بنيتك هذه إليه وستري بركات هذه في سكون قلبك وهدوئه

اللهم بركات النصر علي اخواننا في غزة بجاه حبيبك ارضي حبيبك عن أمتةاللهم هذه اللحظة لا تحرم قلوبنا منها صلاة في الاقصي المبارك أنعم وأكرم قلوبنا بسندك فلا سند الا انت ولا حسيب الا انت ولا حبيب الا انت فأنت حسبي ونعم الوكيل