ليلة الاسراء والمعراج باقي ٣٤ يوم علي رمضان

 

ليله الاسراء والمعراج ليله ولا الف وليله النهارده من بعد المغرب هتكون ليله اللي اتعوض فيها سيدنا النبي عن شقي عمره هتكون اليله اللي شهد بيها الكون كله بسيدنا النبي بحاجه اخدها مفيش بشر قبله ولا بعدو خدها ولا هيخدها كل سنه بنحاول نفهم الحكمه من ليله الاسراء والمعراج عايزين نفهم اللي ورا اليله دي لعلي وعسي ربنا يعوض علينا احنا كمان ونقتضي بسيدنا النبي صل الله عليه وسلم 

سبحان الذي أسري بعبده 

🤚عبده

 كأنه خد في اليله دي السك بتاع العبوديه الحقيقي ✍️كان لله كما يريد

 فكان الله له كما يريد 

        كن لي أكن لك 

يعني الوحيد اللي اخد التكريم ده وخد عليه الختم هو سيدنا النبي صل الله عليه وسلم 

        احنا بنحاول نتلمس نفحات نور سيدنا

 النبي صل الله عليه وسلم في المعني ده

    أن الكون كله تحت المعني ده 

         🤚كن لي اكن لك 

يامن أمره بين الكاف والنون

 كن لأمري كن فيكون

 وادينا قاعدين سنين طويله بنحاول نفهم ازاي نوصل ليها 

✍️السنه دي الاسراء والمعراج ٢٠٢٤ فهمت حاجه جديده النتائج 

مشكلتنا دائما في انتظار النتائج احنا دائما بنشوف النتائج مش بنشوف طفح الكوته اللي ورا النتائج دي 

   شفتي واحده عندها فيلا وعربيه وجوزها وعيالها واو شفتي هيا شافت قد ايه شفتي الفصل الاول من القصه بتعتها شفتي قد ايه شقيت لغايه موصلت اللي هيا فيه 

احنا بندخل علي الاخر نهاية القصص ديما ونحسد وبس لكن مش بنشوف دي عملت ايه عشان توصل للنتيجه اللي هي وصلت ليها دي 

سيدنا النبي تعب في ٢٣ سنه علشان ياخد سك العبوديه سبحان الذي أسري بعبده و١٣ سنه في مكه شقي شقي يعني  عباده طبعا مش عباده عادية

عباده ليل سبحان الذي أسري بعبده ليلا احنا دلوقتي هندور علي معني الليلي 

سر معني  الليل اللي بقالي سنين بتكلم فيه

          انا بقولكو نص ساعه بليل 

سيدنا النبي كان بينام ساعه بليل ويقوم الليل كله ياايها المدثر قم 

يأتيها المذمل قم الليل الا قليلا 

يعني نام قليل وأسهر طول الليل اقعد اعبدني

 أمر الهي 

وانا زمان قلتلكم  الأمر بتاع القيام عشان عارف ان بنهار هيطفح الكوته عارف ان الرساله صعبه فبليل بنعبد عشان بنهار تستحمل

🙏 قيام الليل يخليكي تستحملي قرف النهار قولتها كتير اللي بتقولك انا بعاني من قله الصبر كأنك بتقولي انا مش بقيم الليل انا بعاني في حياتي والدنيا صعبه وحالتي حاله انا بقرأ وراها كده انتي مقصره في قيام الليل علاقه طرديه

لما ربنا يأمر سيدنا النبي بالقيام كله الا قليلا ينام شويه قليلين لأن اكتر انسان هيبتلي بنهار انت ياحبيبي ياتري هتستحمل ولا لا 

١٣ سنه في مكة بهدله يعبد ربنا بليل وبنهار يقولو عليه ساحر 

١٣ سنه يعبد ربنا بليل وبنهار يقولو عليه كذاب بيعبد بليل وبنهار يقولو عليه مجنون لا ده بتاع دنيا 

يروح مجمعين كل حاجات الدنيا في العصر بتاعهم يعرضوها علي عمه روح اعرض علي محمد كذا هو باغي دنيا اكيد عايز سلطه هنديك سلطه عايز جاه هنديك جاه

عايز فلوس هنجمعلك فلوس وهنخليك اغني واحد فينا ويروح عمه ويسمع كلامهم ويعرض علي حبيبنا صل الله عليه وسلم

 واليقين بتاع الليل يثبت بقي بالنهار والله ياعم 

  لو جعلو الشمس في يميني والقمر في شمالي علي أن أترك هذا الامر فلن اتركه

 يبقي قيام الليل بيعمل يقين بنهار 

يعمل صبر بنهار

 يعمل تحمل الاذي بنهار  

خد حاجه؟؟؟.    ابداً

 ١٣ سنه فين النتائج مفيش

 فين الناس اللي حوليه مفيش

 دار الارقم عارفين يعني ايه دار يعني كبيرها مساحه ٢٠٠متر تجمع كام واحد ٥٠ أقصي عدد للصحابه أو أقصي عدد لناس اللي أسلمت في ١٣ سنه دول كانو 

٦٠ واحد يعني ١٣ سنه شقي وتعب وقاعد مع ربنا طول الليل عشان في الاخر كل كام يوم يجيلك واحد ده علي كده كل سنه يجيلك اتنين تلاته صعب اوي 

الله فين النتائج مفيش يذداد التنكيل ويجو لي أصحابه يعزبوهم واللي حصل لسيدنا بلال وستنا سميه وعمار بن ياسر والتعذيب اللي حصل للصحابه علشان يضعفوه

هو المقصود احنا عذبناك شتمناك مفيش فايده نيجي علي اصحابك ونبهدلهم 

طب أصحابه هيقعو لا مفيش يجي عمار يقولو يارسول الله خلاص مقدرتش استحمل زيهم امي وابويا استشهدوا انا مقدرتش فضلو ينكلو  فيا لغايه مقولت الكلمه اللي هما عايزنها 

👌شوفو تصبير سيدنا النبي ليه فما بال قلبك ياعمار علي وضعه يارسول الله قال فإن عادو عد مهما هيضربو وبعذبو فيك قولهم اللي هما عايزنو مادام قلبك تمام متخفش شوفو معالجته للصحابه لما يضعفو قدام الفتن بتاعت الدنيا 

المهم قلبك ويجي سيدنا بلال ويحصل في اللي بيحصل طب ايه  يجي واحد من الصحابه يقولو يارسول الله 

سيدنا النبي كان قاعد علي الكعبه مريح زي مبيقولو ويجي واحد لسيدنا النبي يقولو ادعو الله ان يخفف عنا مانحن فيه 

طبيعي سيدنا النبي يتعدل ويقولو ماشي اتنطر سيدنا النبي انا مستغربه جدا من الوضع ده

 وظهر العرق اللي بيظهر في وقت الغضب وقال إن من كان قبلكم كان يُشق الرجل نصفين بالمنشار ولا يرجعوه ذلك عن عقيدته فصحابي ينكسف 

طب وليه سيدنا النبي طبطب علي سيدنا عمار وليه مع ده اتعامل بعنف وخوفه هو ادري 

لانه بالليل قائم وبنهار عارف هيتعامل مع مين بعصا موسي ومين بعصا فرعون 

١٣سنه شقي ومفيش نتيجه تصبر قلبك مافي كلمه تسمعها ترضيك مافيش اي نتائج نهائي خالص 

طب انا دعيت الناس لربنا في المكان اللي انا فيه  عملت أقصي مابوسعي  في الناس اللي حوليا 

يسكت لا!!!!

ياخد بعضو ويطلع علي الطائف  ويروح لدول لعلي وعسي دول يسمعو الكلام 

خلاص استنفذ كل وسائل الدعوه في المكان اللي هو فيه طبيعي لما الإنسان بيستنفذ في المكان اللي هو في بيروح مكان تاني هل راح بأمر لا ؟؟؟

ربنا مأمروش هو راح الطائف لانو بيحب ربنا وعاوز كل الناس تروحلو من غير عذاب 

 مكان بعيد واحنا عارفين اللي حصلو في الطائف مش مسمعوش كلامه وبس  لا !!!!

دول عرفو أن جي محمد اللي بيقولو عليه كذاب راحو مرصصين الاطفال السفهاء صفين وفضلو يرمو عليه بالطوب والحجاره ويضربو عليه هو وصحبه اللي كان ماشي يحضنو وبيتفادي الطوب عنه لغايه ماوشه بقي يجيب دم صل الله عليه وسلم وكان عنده كام سنه ٥٥

سنه يُهان وربنا شايفو وهو بيُهان من أطفال سفهاء من قوم سفهاء وساكت شايف حبيبه بيتهان وساكت سيدنا يعمل ايه يدعي الدعوه اللي احنا عارفينها 

اللهم ما إني اشكو اليك 

ضعف قوتي بصو الشكوي هنا عامله ازاي انا عجزت وقله حيلتي مش عارف اعمل ايه

 انا استنفذت كل حيلي

   🙏 وهواني علي الناس صل الله عليه وسلم 

مين ده اللي يهينك ياحبيبي

 السما اترجت بهواني دي 🌍

مش انت اللي تتهان ياقلبي في نفس الليله اللي احنا فيها دلوقتي واحنا قاعدين بنهار كده سيدنا النبي يقول وهواني علي الناس

 يجي ربنا في الليلة دي ينادي عليه في الملاء الاعلي يقولك ياحبيبي مش انت اللي تتهان 

ده انا هرفع قدرك رافعه مشفهاش مخلوق في الدنيا وتيجي الليله بتاعت الاسراء والمعراج اللي سيدنا النبي يشوف اللي محدش شافو

 معجزه افقي ورأسي 

أسري بعبده ليلا من المسجد الحرام الي المسجد الاقصي يعني طار بالبراق من مكه الي الاقصي اللي ربنا يحررو دلوقتي عشان كده هيموتو اليهود ويغيرو معالمو عند حائط البراق 

اللي عملوا  دلوقتي حائط المبكي وبعديها يصلي بكل الانبياء جوه المسجد الاقصي ايه اللي بيحصل ده 

بيأُم كل الانبياء رفعه في الأرض ورفعه في السماء ويطلع في السما بالسبع سموات  بيوري الملكوت بيوري شأنه عنده عامل ازاي في الأرض والسما طلع حافظين انا عارفه انكو حافظين طلع السما الأولي والتانيه ويشوف الجنه ويشوف النار

ويشوف سيدنا ابراهيم ويجي يوصفلهم سيدنا عيسي شبه كذا وسيدنا موسي ويوصفو ادم اسمر  يعني وطويل ويسكت ويبتسم أما ابي إبراهيم فما رأيت أشبه بأبي ابراهيم مني عرفتو ليه انا بعشق ليه سيدنا ابراهيم ويجي سيدنا ابراهيم يستشفع لأمته ويقولو ارجع لربك وعارفين قصه الصلاه كلنا 

ويجي عند الحته اللي مفيش مخلوق حتي سيدنا جبريل ميقدرش يعديها انت اذا اقتربت اخترقت الحاجز منعرفش ايه اللي حصل بعدها 

وانا إذا اقتربت احترقت مفيش كائن ما كان مش بشر حتي سيدنا جبريل طاوس الملائكه انت لو دخلت هاتحرق 

  وتيجي ستنا عائشه تسالو  الفضول بتاع الحبيبه يارسول الله اريئت ربك يقولها نور  أْنا أره  

اللهم أكرمنا برؤيته في الصباح والمساء مع الذين أنعمت عليهم من الصديقين و الشهداء والصالحين 

فقد حرماني ياربي من الصلاة في الاقصي المبارك مسري حبيبك ولعل منعنا منه له حكمة العطاء لا شئ يبهج القلب بقدر ان نصبر ونفهم حكمة المنع من أن تلمع قلوبنا من رؤيته والصلاة فيه يارب ان كان منعي منه له حكمة وعطاء فبحق الصالحين اعطنا من خير ما أعطيته لكل ناصر للاقصي ياكريم يارحيم 

اللهم بحق وحقيقة كلامك وحبيبك واياتك بكل حرف قرئناه وكل اية توقفت قلوبنا عندها حرر اقصانا ووفق اولادنا فيما اقمتهم فيه وانشر نورك في ارضك وسمائك ورحمتك علي كل ذرة في الاقصي المبارك يارب العالمين حرر الاقصي الاسير