الاعداد للحج من شهر رمضان المدد باقي 80 يوم علي وقفة عرفة

 ياهادي عليك اعتمادي عدي عشرين يوم من شهر المدد ياتري حصلنا المدد

 في اتجاه في حياتنا وانا لموسعون ربنا وسعلك اني حتي جواكي كل يوم في مدد جديد واتساع جديد اتساع جواكي يعني فهم جديد جواكي الحياه مبتقفش كل يوم انتي مش انتي 

انتي مش بتاعت امبارح زي مافاهمه انتي في شيء جواكي بيتغير في حاجه بتحصل جوه كل واحده فينا بيحصلها تحول في حياتها 

انتي بايدك يتحولي للحلو او للوحش بأيدك تكوني مقلقعه وصندوقك اسود مليان قرف وبايدك تخلي تحول حاجه حلوه فهم ووعي 

دابل فيس واحده جوه الحدث واحده بره الحدث يوم متوصلي للمرحله دي وتشوفيكي من منظورين وتشوفي عيشه جوه دي مندمجه مع البيئه اللي حوليها وتشوفي واحده من بره قاعده باصه عليها اللي هو انتي بردو وشايفه اللقطه من بعيد يعني نتي الحاكم المحكوم انتي محبوبه والمحبه انتي النور وانتي الضلمه انتي الخير وانتي الشر كلنا علي فكره كده كل واحد فينا جواه جانب مظلم وجانب مضيء بايدك تكتري مساحه النور علشان كل مازادت قله مساحه الضلمه وبأيدك بردو العكس 

يوم متشوفي الدنيا بالمنظور ده ويحصل التوازن اللي احنا اتكلمنا عليه قبل كده روح وجسد وعقل علشان الكفه متملش علي حاجه فيحصلك اكتئاب ويجيلك نفسيه وتبقي انسانه معقده وتخشي في دايره الامراض النفسيه الي ملهاش نهايه لازم تكوني ماشية علي تلاته يعني ادي زي كل حقا حقه مش مع البشر خليكي الأول مع نفسك علشان تعرفي تتعاملي مع البشر اعدلي مع نفسك وزني نفسك. 

مفيش حد معندوش قهره ان العشرين يوم عدو كدا هوا ومحسناش بيهم مننا مركز في العباده ومننا لا ومننا كان قاعد فعلا مع ربنا ومعتكف وبتختم الختامات اللي اتفقنا عليها ومننا لا ومننا اللي أخدت العدد ومننا اللي اخدت المدد ومننا اللي مخدتش اي حاجه واعتقد كلنا في الجانب ده 

النهارده هنقول اللي فات مات كالعاده وهنفتح صفحه جديده ونقول ببركه حبيبنا صل الله عليه وسلم وبركه المحبيبن لسيدنا النبي صل الله عليه وسلم هنبتدي صفحه جديده 

ومفيش واحده تسنطر علي يوم الفردي يعني بكره في عمان اول العشره انا اضمن منين أن هما اللي علي حق لا أحنا اللي حق حتة مرعبه بتحصل كل سنه ناس كتير بتيجي تقولك انا جتلي ليله القدر في ليالي الزوجيه طب ازاي علشان الحته دي بما أننا قاعدين في عالم ماأنزل الله به من سلطان فلازم ناخد الحذر ونقوم العشره مكنش سيدنا النبي قال كده من قام العشر مقلش الفردي والزوجي قالك ايه تحسسوها في ايام الفرديه لاكن قال من قام العشر يبقي حتي لو ضاع عليك من قام رمضان أيمانا واحتسابا تعالي بقي سنطري في العشره دول ومتسيبيش يوم فيهم متصليش فيهم القيام اقل القيام ٨ركعات وأقل الأيات ١٠٠أيه 

يعني هنركز ونجيب أخر ماعندنا طب أدعي بأيه زي ماستنا عائشه قالت العفو والعافيه 

طب مدعيش بدنيا أنا نفسي بدنيا معينه نفسي في حاجات معينه لا

أياكي تدعي بالدنيا دلوقتي ألعبيها صح معايا هندعي أحنا بعد كده بالدنيا زي منتي عايزه 

دلوقتي يكون همك وعينك وعافيتك علي أنك تنضفي 

أنتي محتاجه تنضفي نضفي نفسك وبس ولو قدرتي تخدي الأمة معاكي تبقي بطله ٢٧ مره بتوعنا ياحي ياقيوم برحمتك أستغيث أغث أمه حبيبك محمد وأبدل سيئاتهم حسنات وأقرر عين حبيبك محمد صل الله عليه وسلم بي وبأمته ده أول هدف لينا النهارده أن أحنا ناخد العشره بكل مافيها بتركيز بختمه علي اقل في وقت ده اللي معها ختمه تحاول تنجزها وتدخل في ختمه جديده 

كتير بيسألوني أنتي بتعتكفي ازاي أنا نهاري غير ليلي يومي مقسوم نصين نهار لبيتي وأكل واشرب زي زيكو لاكن بيجي الليل وحتي لو بنصلي التروايح مغ بعض من بعد التروايح بنعمل استوب وكل واحد يروح لحال سبيله ونقعد مع ربنا يعني الليل كله مع ربنا هو ده الأعتكاف 

مش الأعتكاف أنك تسيبي اللي وراكي وأهل بيتك ومسؤليتك وتقولي انا هتعكف 

الأعتكاف انك تستفي كل واحد في مكانه من غير متقصري مع حد من اللي أنتي مأموره بيهم وبعد كده اقعدي مع نفسك زي منتي عايزه 

من اول النهارده

هيكون اعتكاف الليل بطوله مع ربنا مابين القيام والسجود وبين القرأن وبين ذكر وبين أسم الله الحي القيوم من النهارده لغاية الحج مش هنسيب الحي القيوم حي يحي به قلوبنا القيوم ليقيم حياتنا ويوقفها صح 

عايزين الأتنين الحي القيوم لسانك ميبطلش ياحي ياقيوم أحي قلبي واظبطلي حياتي الدنيويه واللي ربنا يحي قلبه ويخلي صاحي ومنعنش مستحيل ميمتش علي الشهاده طول منتي عايشة بأسم الله الحي هتموتي شهيده وأدي اخدنا جانب من اللي احنا عايزينه الجانب التاني بقي 

النهارده قولنا هنبتدي صفحه جديده للحج قدامنا ٨٠ يوم علي الحج هنقسمهم ٤٠ و٤٠

٤٠من النهارده لغاية نهاية شوال ادي ٤٠ يوم 

وعشره من رمضان و٣٠ من شوال ودايما بقول اللي بيبتدي حاجه دايما بدري بدري ربنا بيستجيب له بدري بدري 

ربنا بيحب السابقون أحنا نكون منهم باذن الله أحنا اللي بقالنا سنين طويله بنعد للشيء قبل أي حد من النهارده هنبتدي نعد للحج بتاعنا ٤٠يوم من اول النهارده لغايه نهاية شوال الوجبات بتاعت عشره خلصنهم 

٣٠ يوم بتوع شوال هنقضيهم صيام عارفه اننا طلعين من صيام بس والله ماحاجة هتنقذنا من اللي أحنا في غير الصيام علي قد منقدر مش ناخد بس السته علي قد منقدر ناخد الاتنين وخميس تلات أيام البيض واللي شاطره وبطله العالم تخدهم يوم ويوم في شوال وتبقي ماشيه معايا 

طب ٨٠ يوم كلهم هيكون اسم الله الحي القيوم مش هنغيرو من هنا لغاية يوم عرفه يفضل علي لسانك علي طول 

أنا عايزه أيه السنه دي من الحج نفسي في أيه أيه الجديد عندي السنه دي من الحج أنا عايزه احج وبس 

عايزه أنزل من علي عرفة مغفور ليا

طب مش عايزنا ندعي بالدنيا في رمضان والحج 

والله صدقيني الدنيا هتيجي انتي ليه مستعجله طول منتي معايا هو هيديكي فأتينهم ثواب الدنيا وحسن ثواب الأخره يعني انتي قدامك ٨٠ يوم اعتكاف وتركيز في اليوم اللي انتي هتقفي في علي عرفه من دلوقتي وربنا دلوقتي مطلع علينا وشايفنا أحنا بس اللي موجودين علي الأرض دلوقتي بس بفضل الله اعتبريها ثمره رمضان من النهارده نيتك بتبصي بعينك علي يوم عرفه هاتي حد دلوقتي في عز رمضان بيفكر في يوم عرفه الا الناس اللي بتعد للحج اساسا وبتظبطها وبتحجز الفلوس وكلام ده كله

يبقي من النهارده أحنا باصين علي جبل عرفه وطالعين علي جبل عرفه 

ونعمل ايه لما ربنا يرزقنا بليله القدر هنقولو يارب ارزقنا نقف علي جبل عرفه يارب أعيني علي التوبة أعني علي ذكرك وشكرك وحسن عبادتك أفتح مسامع قلبي لذكرك وأرزقني طاعتك وطاعة رسولك وعملا بكتابك 

أملي قلبي حب ليك ولحبيبك وللجهاد في سبيلك أستخدمني لنصرة دينك يارب 

اللهم أنك عفو تحب العفو فأعفو عني ياحي ياقيوم قبل ياحي ياقيوم بعد والصلاه علي النبي قبل وبعد 

من هنا لغايه منيجي ونقف علي عرفة هنعدي علي مطبقات ماأنزل الله بها من سلطان زي محصلنا قبل رمضان كل مبنعد لحاجه كبيره قبلها بتجلنا امتحانات كبيره علي قد هدفك طبيعي كل مبتحطي حاجه في دماغك كبيره بيجلك مطبقات كبيره الشاطره فينا اللي فاهمة أن هي لما تبتدي ليفل جديد ان هيكون في أمتحان في ليفل ده وتبقي عينها وعفيتها انها تطلع من الامتحان ده بأمتياز مش بتخاف وامتحان وهقع وهيحصلي لا مش عايزه أبتدي خليني عادي في الطبيعي كده محدش يدخلني في أمتحانات تاني أنا تعبت 

أيه الهبل ده أزاي يعني تعبتي ييقي تفضلي قاعده في الطين في الركن البعيد الهادي علي الكنبة اللي محدش بيتحرك عليها دي أنا كان ممكن اقعد جنبك بس لأسف ده فخ لأن مفيش في الكره الارضيه بدور مفيش حاجة أسمها حد ثابت في مكانه ياقلبي مكنش سيدنا النبي تعب 

انتي يبتعلي او بتنزلي متوهميش نفسك انك قاعده في حتة اللي في جنب دي ومش عايزه ادخل في امتحان وعايزه اعيش مع نفسي ولا عايزه اعد للحاجه مش ناقصه امتحانات تقتكري مش هتمتحني هتمتحني بردو بس هنا أمتحان مأجور عليه وهنا أمتحان بتخدي علي دماغك وبس من غير هدف لان هنا بتخدي علي دماغك لانها دنيا وطبيبعي انك تمتحني فيها ولازم ربنا هيجبك مهما تهربي 

ياهيجبك بعصا موسي او عصا فرعون هي الدنيا كده هو في حد سعيد 

هاتي اكفرن انسان في الدنيا سعيد مش فجر وعمل كل حاجه شرب خمره وعمل زنا وراحت وقلعت وعملت اللي هي عايزاه أساليها كده سعيده مفيش حد سعيد 

أحنا بس اللي سعداء ليه 

السعيد اللي تعبان بهدف 

السعيد اللي تعبان بنيه 

السعيد اللي فاهم أنه بيعمل كده عشان يأجر علي هو فيه اللي فاهم مع كل أمتحان وشكه وضربة لا هو ربنا مظبطني انا عارفه وقابل مني الىي أنا بعملوا 

لا وعارفه أني همتحن في حته دي وابصلها من بعيد واضحك

أبتسامه الانسان اللي فاهم الأنسان المتوازن عقله في بتتعلم قلبه في 

عنده روح 

روحها وهدفها الأساسي مش الدنيا ربنا 

فاهمه ان جسدها لما يمرض روحها هتمرض 

يبقي تحافظ علي جسد بتاعها تظبط صحتها علشان هتأثر علي روحها تظبط عقلها في العلم عشان هياثر علي روحها

كله بيرمي في بعضه 

مفيش حاجه أسمها أنا روحي طايره وجسدي ميت جسدك هيأثر علي روحك أذا كنتي بقي من أولياء دول بس اللي هم جسدهم وروحهم مبتتاثرش بالجسد 

يبقي أمتحان رجوكم شوفو أنتو رايحين فين وجايين منين ونفسك في ايه وشوفي الدنيا اللي عايشه فيها ومغموصه فيها مع عيالك وزوجك شكلهم ايه في الحقيقه هي مش مش حقيقه  

اللي أنتي عايشه في ده وهم اللي وأخدك دلوقتي وواخد دماغك ويخليكي تسرحي في الصلاه ده وهم الحياه هي مش حياة 

الحياه الحقيقيه لما تعرفي تقولي ياحي صح من قلبك هتعرفي دنيا دي بتبصلها بعين حبيبك صل الله عليه وسلم هتشوفيها زي المسرح كده من بعيد كله وهم وهم 

أجمل كلمة تتقال علي الدنيا وهم كله وهم 

ربنا أخدك وأستخدمك وعملك خدامة لجوزك وخدامه لولادك وتأكلي وتشربي وهو تظبطي وتعملي البيت وفي الأخر تكشتفي أيه ده انا رايحه فين وجايه من فين وأنا ايه اللي بعملوا ده تحت بند اني بحب انا مستخدمه 

يادنيا من خدمنا فاخدمي ومن خدمك فاستخدمي أنتي بتخدمي الدنيا فالدنيا بتستخدمك لو أنتي بتعملي ده بنيه فأنتي خادمه للحق سبحانه وتعالي عديتي بقي من مرحله دي طبعا قله قليله اللي فاهمين معني ده واللي بتأكل وتشرب وتجري وتروح وتيجي وهي فاهمه اوي كويس المعني بتاع يادنيا من خدمنا أخدمي ومن خدمك فأستخدمي 

هاتيلي واحد في الأمه ماشي وهو فاهم أنه مستخدم هاتيلي واحده مندمجه في حب جوزها وحب عيالها والدنيا شفطها شفط وقوليلها كده أنتي مستخدمة كلمه خادم غير مستخدم 

أنتي مضحوك عليكي خدامة اللي بتجيبها وتديها فلوس عشان تشتغل لاكن المستخدم بيشتغل من غير فلوس 

أهبل بمزاجه مضحوك عليه بكلمتين حلوين مضحوك عليه بالحب 

الحب العيال وحب الجاه وحب زوج كل ده ضحك علي عقول 

أنتي مستخدمه 

خليكي ناصحه وأخدمي ربنا علشان ربنا يخدمك ويسخرلك الكون 

يامن بيده ملكوت كل شيء سخر لنا كل شيء 

مش نكون أحنا المسخرين لا 

ربنا بيسخرلك الكون كله 

اللي يخدم ربنا 

ربنا يخلي الكون كله يخدمه واللي يخدم البشر يفضل طول عمره في ذل وقهره وزعل وحزن ومش فاهم دايما النوع المندمج في الدنيا عنده كلمه دي علي طول انا مش فاهم بيتعمل فيا كده ليه هو انا رايح فين هو انا عملت ايه في الدنيا ويعيش دور الضحيه وتحسي أن ياعيني الدنيا كلها قهره وليه دي عنده كتير 

ليه ليه ليه هو أصلا مش فاهم حاجه هو أساسا مستخدم وجاموسه ومركوب وجاي يقولك أنا صاحب عقل 

انا احب الواحد يكون مستخدم وفاهم أنه مستخدم فاهم انه بيضحك عليه لاكن مستخدم وحمار مش فاهم يعني مضحوك عليك ومش فاهم انك مركوب ده بعيد اوي 

عشان كده بقول قولو أسم الله الحي القيوم علشان يحي قلوبنا 

أحي يارب موات قلوبنا وعلشان يقوم حياتنا يظبطها في التوازن الروحي والجسدي والعقلي وأياكي ثم أياكي أنك تغفلي عن ٤٠و٤٠ لأن انا بدال مجيت هنا وأتكلمت بقيت حجه عليكي خلاص كده يعني أيه حجة عليكي خلاص دخلتي في الأمتحان شأتي أم أبيتي معايا أنتي بقي داخله بمزاجك فله وحبايب ونبتدي نعمل اوردنا ونركز في عبادتنا ونجيب قلبنا وندعي ونعمل اللي علينا 

هذا مانستطيع نفعله يارب فأعنا علي ذكرك وشكرك وحسن عبادتك 

نفتح صدرنا ونستعد لما هو أت