اللهم نظره اللهم نظره احنا داخلين علي ليله النظره بعد بعد بكره متخيلين
مغرب الاحد احنا داخلين علي نظره عمرنا
✍️ ازاي نتعرض للنظره دي هو كده كده ربنا خلاص هايتجلي في الوقت ده إن الله ليجلي علي العباد في أول ليلة من رمضان فيغفر لمن يشاء
ونظرتو للعباد كلهم في نظره عامه ونظره خاصه نظره عامه لامه كلها أُمة الدعوة وأُمة الإجابة
برحمات حتي الكفار في هذه اليله دي ربنا بينزل عليهم رحمته هو خلاص بيتجلي سبحانه وتعالي في اليله دي هيغفر لمن يشاء
🤔طب ازاي نكون في من يشاء
يعني ازاي نتعرض للرحمات الالهيه ؟؟؟!!!
في ناس تخصص خيبه تخصص غباء يجو في اليله دي ويروحو محودين
اهم وقت مبيعرفش من اين تؤاكل الكتف اهم وقت مفروض يتعرض فيه لرحمات ربنا
عشان كده سيدنا النبي قال ايه ان لربكم في ايام داهركم لنفحات الا فتعرضوا لها
🙏 ولله المثل الاعلي طبعا العيال في الكليه كنا بنتعرض لنفحات الدكتور قبل الامتحان يجي مثلا يدينا الملخصات ومستنينو يقولنا ايه يادكتور الليي هيجي في الامتحان وقاعد يرزع فينا طول السنه في كلام كلام ومنهج كبير 500 صفحه واحنا مستنين يجي يعمل خلاصه الخلاصه ويجي يقولنا تجنبو دي وشيلو دي والغو دي وركزو علي دي فاكرين الجو ده
فعلشان نضحك علي دكتور قبل ميدخل نعملوو كوبيه الشاي التمام او القهوه زي ماهو بيحب نعرف من الساعي بتاعو بيحب ايه
💃واحنا كبنات نقف حوليه زي العصافير كده وصباح الفل يادكتور ويقولنا مش هقولكم علي فكره وطبعا اللي بيسلطنا علي الدكتور الشباب فطبعا الدكتور طالع من اوضته ولا بي وعليه ويبص يلاقي مجموعه من البنات الجمال وقاعدين بيدلعو عليه ونبي يادكتور وعشان خاطرنا يادكتور واحنا دفعه غلبانه ومش عارفين حاجه والدكتور يدخل المحاضره يقول خلاص عشان العيال الطيبه دي خدو الخلاصه
وفعلا يرزعنا كام سؤال وكانه ادانا الامتحان وندخل نجيب امتياز رغم ان كلنا صيع وقاعدين بنضيع وقتنا في الرحلات والكافتير ودلع وبس بكلمتين وحركتين في الاخر الدنيا خلصت تعرفوا ياصيع تعملوا كده 😂
✍️دي خلاصه الليله اتنين من البشر ناجحين ومعدين اوعي وشك
واحد صايع زي حالاتنا كده وعامل نفسه قال بيجهز لرمضان بقالو 100يوم وهو اساسا فسكونيا قال يعني ماسك الكتاب وبيذاكر وهو اصلا ماسك الكتاب صوره مش بيذاكر واهبل
وواحد بجد قاعد بيذاكر فعلا وطافح الكوته وقاعد شغال 24 ساعه وبيجتهد وبيعمل اللي عليه تالت ومتلت
ده فرحان وده فرحان
ده الاول فرحان ومجتهد ليه حق هيجي يوم الامتحان ويكرم او يهان هو من المكرمين
😁طب الاهبل التاني اللي مذاكرش فرحان ليه ؟
عشان زي اصحابنا البنات ال واقفين هناك دول عارفين انهم مقصرين عارفين خيبتهم التقيله وعارفين انهم مقدموش ولا حتي ١، واحد اقل من الواحد
عارفين كل حاجه عن نفسهم فاهم انه مقصر وخايب وعارف انا بليد وعارف ان في الوقت ده هيخيش في الحيط فبتالي الناس قاعدين يتعرضوا في الجو الحلو فعايز اتمحك فيهم عايز اروح للناس دي
ربنا بيحب اللي بيتمحك ده هما القوم لايشقي جليسهم
احنا من النهارده لغايه مخلاص ربنا يدخلنا فمن يشاء احنا مورناش حاجه غير اننا نتمحك يعني ايه يعني ندلع ندلع مع ربنا احنا خلاص صيع قضيناها تهليس كل الفتره دي كلها
☠️خدو بالكم انا جايه اقولكم في اليومين اللي شيطان 👿 هيكسر ام الدنيا عندكو هنعمل ايه عشان نكسر الشيطان نضحك ولا كأننا واخدين بالنا انا عيل صغير بلعب في الجنينه وعامل نفسي من بنها واخد بالك
ده زعق ده شتمني متخيله ياماما انو شتمني طب عادي ازاي اعديها ازاي يضربني ويشتمني واعديها عديها ياهبله ماهو مش هو اللي قال ياهبله 😂 هو شيطان اللي ركبو عشان يضيع عليكي اجمل ليله في عمرك متشفهوش هو
متشفيش الشخص اللي ازاكي ان هو اللي ازاكي والله ماهو افهمي ده عيل ملبوس عادي جدا عارفين ذا ماسك هو حاجه لبساه مخليه متكهرب ومكهرب الدنيا حولي
عشان كده بقولك اضحكي
ده لسا ماسكه السبحه الف واحده بتقولي انا متوه روحت ماسكه سبحه الف كده بقولها شايفه دي اول مسمع كلمه توهان بروح مطلعو السبحه الف وروح مرصصها ترصيصه تمام من غير منطق هو بيهرب اصلا ده اللي انا شايفاه هو خانس اول مبتوه بيروح راكب اول محس لو ثانيه اني تايه يالا هاتو سبحه الف ياولاد ده الكرباج بتاعو تاني يوم الصبح بسحب السبحه من الارض والله مافي حاجه جت ناحيتها لاقيتها فرطتت في الارض بقالها معايا 15سنه طب ايه ده
ازاي وانا مجتش ناحيتها مفيش حاجه شدتها وانا عاده بسيبها منظمه متخيلين كم الحروب عامله ازاي متخيلين هو متغاظ مننا قد ايه دلوقتي بس في الاخر ربنا طمنا وقال ان كيد الشيطان كان ضعيفا
ضعيف عيل كده اهبل ملبوس فانا احطو علي اعصابي ليه واضايق
هزعل من حماتي ليه
هزعل من امي ليه
نو مفيش زعل دلوقتي اي حد يقولك عمل فيك والتحرش بيخلي قلوبنا تشيل من بعض
اعملوا نفسكم من بنها والضحكه العريضه بعمل كده مع اللي بيضايقوني بقالي كام يوم شغاله بيها بيبصولي كده تحس ان في ايه انتي مجنونه ولا ايه
🎨🫥 انا مش بكلمك انت انا بكلم نفسي انا خايفه علي نفسي في ليله الداخله عليها لو ضاعت مني همرمغ مناخيري في التراب زي ماسيدنا النبي قال رغم انف عبد بلغ رمضان ولم يُغفر له
معنديش استعداد امرمغ مناخيري زي ماسيدنا النبي قال فبتالي لازم اعدي كل الملبوسين
افهمو اللي حوليكو كلهم ملبوسين تمام امين يامعلم
يبقي النهارده اغتسال بنيه النهارده الجمعه للجمعه كفارة لما بينها ان شاء الله هنعملها تاني يوم الاحد بعد العصر
دلوقتي اغتسال بنيه الاعانه علي اليومين دول انا من بنها انا مش هنا خالص انا بتمحك علشان اوصل لنفحات ربنا
🙏انا يارب عايزاك انا عايزه تدخلني في فمن تشاء انا واخواتي اللي معايا كلهم انا واهلي وعيلتي خدو الكبيره بقي انا واللي حرق دمي انا واللي مزعلني انا واللي بتشتم فيا من ظهري متخيله لما تروحي لربنا بالطريقه دي هيعمل معاكي ايه
تعليقات
إرسال تعليق