حكمة اليوم ارضي بالموجود في حياتك يرضيك ربك بالمفقود

رحمات تُصب فوق رؤوس الراحمين و بأكمل الكمالات في اسم الله الوهاب نكتمل 

كلما رددنا اسم الله الوهاب حصل الرضا في قلوبنا وكل رسالة من ربنا بتسهل علينا حيتنا ننفضلها بتكون وراها عقاب وهو زيادة السخط

 🤚محدش يجرء يعترف انو ساخط علي ربنا 

لكن قوانين الكون ده ثابتة ملهاش دعوة بعقيدتك انتا بتعبد مين 

قوانين الكون ملهاش علاقه بدينك 

🌍دي ثوابت كونية من رب الاكوان لكل الخلق من الخالق للتكيف مع هذا الكون وبتكو ن فرصة  للخلق يتعرفوا بيها علي الخالق 

يبقي أما ربنا يختارك مسلم من غير اي تعب منك وكمان بيعلمك اسرار كونو وكمان اسرار اسمائه الحسني ويأمرك بانك تُحصيها يعني تكتمل بيها مش تحفظها تشتغل علي نفسك وترددها عشان قلبك يحس بيها ويحصل الكونتكت ال بيحرك كل ساكن

وتيجي بعد كده تشتكي من قلة الرزق وقلة البركة وقلة وقلة وقلة كلو سخط ولو مشتكيش

😡 غضبان من جواك بتصرخ

         

✍️عارف لية عشان منتش شايف الموجود 

     انتا شايف بس المفقود 

فوق بقة وكفاية كدة عشان المرار هايطفح اكتر واكتر نلحق نفسنا وتردد الوهاب بقلب خالص مخلص

       لعلها بركة وبها نأخذ المفقود

ده دورك 

✍️ربنا مش خلقنا عشان يتعسنا ولا عشان نبص للجزء الفاضي في الكوبايه بتعتنا ولا عشان نكون في غم وحزن وشقي وتعب ومرض كل ده احنا اللي عاملينو بأيدينا 

مافي حاجه احنا بنشتكي منها إلا لما يكون جانته  أيدينا زي ماربنا قال 

طب انا جنيت علي نفسي بالمرض الجسدي والنفسي وجنيت علي نفسي بتعاسه يوميه مع جوزي وعيالي يبقي انا السبب زي مقولنا زمان

   ✍️ ليه لاني ماشيه عكس التيار الرباني 

تيار ربنا كله يسبح بحمد الله وما من شيء إلا يسبح بحمد الله 

طب لما امشي انا عكس التيار ده🕳️

👌 شوفي كلمه وما من شيء يعني مفيش حاجه ربنا خلقها مش بتسبح ربنا حتي  الكنبه اللي قاعده عليها دي الترابيزه الكرسي 

كل حاجه حوليك تسبح إلا الإنسان نساي 

🕛لما انا ابطل ذكر علي طول انا كده ماشيه عكس التيار 

متخيله شلال من ميا رهيب وانا جيت في شلال ده وروحت مديلو ظهري ورحت ماشيه عكسو هيحصل ايه انتو متخيلين احنا تعبانين اد ايه 

🤚كل لحظه بنسي فيها ذكر ربنا بشوف حاجتين شكلي وانا بعوم عكس التيار وقد ايه مشقه اللي انا فيها وبشوف اني جايبه لنفسي تعاسه لأن لقدر الله لو موت في اللحظه دي خلاص انا ضيعت 

وبشوف اني في حضن الشيطان استحوذ عليهم الشيطان فا أنساهم ذكر الله

 هو ربنا بيحاسب علي النسيان مش ربنا قال مش بيحاسب علي النسيان وسُمي الإنسان من النسيان طب ليه حصلي كده ونسيت ذكر ربنا ويعني ايه استحوذ خلاص كده بقيت في حضن الشيطان وغفله تامه 

      اه طول منتي مش حاطه لنفسك الهدف ده اول متفتحي عنيكي لحد متنامي أن انتي لسانك ميبطلش ذكر وقلبك علي قد متقدري ميبطلش تردد 

🤍عارفه الذبذابات القلبيه بتاعتنا دي الله الله الله مع كل دقه قلب الله دي بس خليها هدف محدش يقدر يعملها بس مجرد أنها بقت هدفك هتشيل عنك بلاوي كتير 

 اللي هي بقول عليها ربط فلادر يوميه مع كل عمل بتعمليه لو الذابذبه بتاعت قلبك دي مش شغاله ولسانك مش شغال انتي في حضن الشيطان سعتك يعني كل خاطره بتجيلك هي خاطره شيطانيه قله قليله في الامه ١%اللي خواطرها ملائكيه الاغلب اللي ربنا قال عليهم وإن تُطع أكثر من في الارض يضلوك عن سبيل الله      👌الأكثرية ضالين

 جوزك ولادك حبايبك امك ابوكي كل اللي انتي قاعده بطوفي حوليهم دول وهالكينك جسديا ونفسيا وروحيا  كل دول انتي بطوفي حوليهم

🤚 طالما تعبوكي يبقي انتي بتطوفي حوليهم يبقي انتي ماشيه عكس التيار الرباني 

وان ذكر ربنا بالسانك لازم قلبك يكون في ترددات كل يوم لازم يكون في ذبذبه لازم قلبك يرتعش كل يوم من ذكر ربنا عشان تهمدي وتهدي وتطلعي من حضن الشيطان