نفسك في ايه ؟واليوم الرابع في عام الهجره ١٤٤٦

 🕛هذا يوم جديد وعلي عملك شهيد 👌ياتري ناوي النهاردة علي اية ؟

وحاسس بأن يومك ده هيكون شهيد عليك ولا لسة🙂‍↕️

طب نفسك في اية ؟!

يا له من سؤال دنا هاعد بقة 🤚استني متعدشحاجة 

هيا حاجة وحده بس كل يوم اسئل نفسك السؤال ده مع  كل نهار وكل يوم جديد نفسك فيها والإجابة تكون حاجة وحدة وبس

تفتكر هتكون الإجابة دنيا👀

اكيد لا صح يجب ان تكون إجابة محددة جدا وصادقة جدا لانك حاسس انو ممكن يكون آخر يوم ليك هنا في الدنيا 

فأكيد هتقول نفسي في الفردوس الاعلى

 او نفسي اموت شهيد 

نفسي في حسن الخاتمة 

نفسي في صحبة الحبيب 

نفسي اكون عبد ذاهب عن نفسي متصل بربي أن سكت اكون معه وان تكلمت فيكون عنه وإن مشيت فيكون له

وهكذا من اماني الحب نرتشف ونستنشق كل صباح النور من قلب الحدث اليومي 

تحس نفسك كل ماتاخد فرصة جديدة وتفتح عنيك وتلاقيك لسة عايش

✨ تاخد نفس عميق وتقول الحمد لله الذي أحياني بكل قلبك بجد 

يبقي انتا فعلا عبد لرب مش عبد دنيا

 مش عبد شهواتك

 مش عبد مال وعيال

 انتا بتاع ربنا بجد ابشر يا عزيزي

 👌 في كل خطوة ستنال السلامة وسيكفيك ربك كل ما آهمك 

✍️لان من جعل الله همه كفاه الله مادونة

وسنبدء بقرار ان نعي اننا احياء في البداية 

وهذا الوعي سيأتينا من كثرة الذكر بالتنفس السليم

 ثم وعينا بان اسماء ربنا ستُكمل مانقص منا 

كيف؟

النهاردة عندي مهمة كبيرة أو امتحان طب امسك اسم ربي الولي عشان يسهلي يومي 

واي اسم ابدئو لازم قبلو وبعدوا الصلاة علي حبيبي حتي لو تلات مرات بس المهم تبدء ديماّ بيها كل حاجة 

هتلاقي ثمار بقة في كل خطوة 

ثم يأتي بعد ذلك اول شعاع امل لنا لنبصر به وجود الله في كل مخلوقاته

فحينما نري ذلك نعلم اننا بدئنا اول خطوات التبصر وحسن التبصر

 الخطوه الثانية الاحسان اي تلميع عدسة النظارة لكي نري بوضوح الاشياء المحيطه بنا 

🤚هنا سيتنور كل ما غفلنا عنه بسبب ظلمة القلب وسنفهم حكمة ربنا في البلاء الذي ابتلانا به بل بالعكس سيتحول من بلاء الي نعمه وستشكر ربك عليه حينما تفهم حكمته

القلب عضله كاي عضله في الجسد

ان اشتغلنا عليها بالحديد سيصبح بصرنا حديد ويكشف عنه حجاب الغفله

ولكن بشرط

ان ندرك خطورة الغفلة وانها مهلكه سيكون مكاننا ان لاقدر الله وموتنا عليها جهنهم ولايدري احدنا باي خاتمه سيكون جذائه 

👌فمن عاش علي شئ مات عليه 

يكفي هذه الجملة تجعل قلوبنا ترتجف رعبا كل صباح وتركز في هدف حياتك 

فكن علي استعداد تام للقاء ربك في اي وقت

استعدادنا سيكون حافز لليقظة لنبدء كل صباح بتوبة جديده ويقين جديد 

اللهم أنت ربي لا إله إلا أنت عليك توكلت أنت رب العرش العظيم ما شاء الله كان وما لم يشأ لم يكن أشهد أن الله على كل شيء قدير وأن الله قد أحاط بكل شيء علما سبحان المنفس عن كل مديون سبحان العالم عن كل مكنون سبحان من جعل خزائنه بين الكاف والنون اللهم افتح لنا أبواب رحمتك وأبواب خزائنك بحق حبيبك وبفضلك وكرمك يا أرحم الراحمين إلهي بحق كرمك الخفي وبحق اسمك العظيم يا عالم السر والخفيات اصلح قلوبنا