اعرف من فين اني مش راضي ربنا ؟!
فهل هناك شئ مرئي له مذاق وملمس ؟!
كلنا خطائين محدش فينا مش بيذنب كلنا في دائرة الخطئية
اول ما نرضى عن المعصية تأكد انك خرجت برة دايرة الرحمة الإلهيه
الرضا المزموم هو الرضا عن النفس
هنا فقط اعلم انك بره خالص في حته تانيه مستحيل تتغير
دي درجة خطيرة جدا جدا سمعت الشهيد البوطي بيحكي عنها ويقول هؤلاء لا ينظر الله لهم
من رضي عن المعصية فقد رضي بنفسه رباً
ومهما يقولها في الأذكار رضيت بالله رباً هو في الحقيقيه لم يرضى بربه بل رضي بنفسه وها هي الرمال المتحركة
النهارده يوم جديد وهيشهد علينا كلنا وكل كلمة وكل رسالة بتوصلك من ربنا هتتسئل عنها زي ما هتتسئل عن كل ما كلفك الله به كلكم راع وكلكم مسؤل عن رعيته هنغتنم طريقنا للشهر الكريم ونحاول نصلح ژعيوبنا
هنصلح اخطائنا امتي؟!
هنفوق امتي؟!
هنعرف اللي لينا واللي علينا امتى؟!
اظن كل واحده فينا فيه بلاوي بما فيه الكفايه
تعالو النهارده
ناخد نيه جديده
ونقول لربنا يعرفنا مصايبنا
مفيش حد متربي احنا كلنا مش متربين
لو احنا متربين صح عند ربنا وفي طريق ربنا ماشيين صح اكيد كنا هانغلط نفسنا وكنا هنعرف نطلع عيوبنا صح
كل واحد فينا النهارده الخميس وفي يوم التقرير يطلب من ربنا أنو يعرفو عيبها يعرفو مصيبتو فين
نبطل نعيش في دور الضحيه وعايشين أن اللي قدمهم كلهم هما الغلطانين وحتي لو غلطت نفسها تحسي انها بتكروت في الكلمه كده يعني مش عايزه تيجي عليها بتحسس على نفسها اوي
ولما تيجي تغلطها تعمل مش واخده بالها في كبر في عجب في رياء
اول مره اخد بالي هو مرض واحد بيجي للشخص مش معقوله الواحد عنده اربع امراض سرطانيه اربع اماكن في جسمه عايزين إستئصال
حاجه غريبه جدا اتاري بقي ايه أن احنا لما بنتهاون ونستهين بقدر ربنا بدون مابنشعر بندخل علي الامراض السرطانيه واحده تلو الأخره
لما اشوف حد في يوم من ايام مستحيل يحسد ولا يتكبر وبقي يحسد ويتكبر وتلاقي فجئه كمية الأمراض كلها ظهرت مره وحده فيه
واما اشوف حد بقي عصبي زياده عن اللزوم ومفيش صبر عنده والناس كلها تقولو خلي عندك صبر وهي واخده صفر ومفيش فايده واقولها ارجعي لنفسك ارجعي لاورادك ارجعي للسجود بتاعك تطنش وتكبر دماغها تقعد تهري تهري وتتكلم في كل حاجه الا سبب المشكله وتسيب سبب مرضها الأساسي ايه
لكي لا يكون للناس علي الله حجه بعد الرسل
فاذكر لعلي الذكري تنفع المؤمنين
🤚السجود دوا من لا دوا له
والشيطان بيدخل ليهم ويديها شماعه علشان ميخلهاش تسمع الرساله الربانيه اليوميه
علشان يسحبهم في الخون بتاعو فيكون من حزب الشيطان ويقعد عليهم ويسيطر
المهم الصدق ده مطلبك النهارده
اطلبوا من ربكم يعرفكم عيوبكم بصدق
عظم عيوب نفسك تُعظم ربك
لو انتا فعلا عايز رمضان بصدق مستحيل توصل لرمضان الا لما تعرف انتا مين! ؟
متوهش عن نفسك
خلينا نكون واضحين مع نفسنا اكتر من كده لان بدايه التغيير انك تعرف نفسك صح ومدي مكرها عليك اد أيه وهتوديك فين
مستحيل والف الف مستحيل نتغير الا لما نحس بمصيبتنا
مثال لو لاقدر الله جالنا مرض وحش هفضل اقولك اتغيري لا انا هاجي اقولك الف سلامه عليكي ياحبيبتي وخدي بالك من نفسك وكده خلاص انتي حاله مييؤس منها انتي واحده رايحه للموت اكيد هطبطب عليكي واديكي كلام في رجاء واحببك في ربنا واقولك انتي تمام وانتي بطله
👌الطبطبة دليل الموت المؤكد
في الحالتين سواء طلبتيها أو حسيتي انك محتجالها كدة راحت كل طموحاتك في طريق الحق كده مفيش رضي من الرب كدة سعتك لو موتي النهاردة دخلة في الجحيم
لما ربنا ينزل علي دماغك مصيبه كبيره لاقدر الله حاجه هزه جامده ليكي
جسديه أو نفسيه تبتدي بقي تقلبي في الماضي ده لو لسا فيكي امل
عاده الناس اللى مفيهاش امل مبتقولش أنها غلطانه لا بتقول هما وتفضل تهري وتنكت في نفسها أن هما اللي عملوا فيها كده
الدليل الوحيد علي ايمانك في الكوارث أنك بترجع المصيبه لنفسها مادون ذلك كلو هري لكن لو انتا قاعد تقول بذنبي يبقي كده في حتة نور حلوه وهتبدي ترجع لربنا
ربك قال النفس الغير مزكيه نفس فاجره مالهاش كبير يعني
شوفوا حال الصالحين
سيدنا علي باب العلم لما الراجل بثق في وشوه خلاص كان هيقتلو ومشرك وهو في حرب وكان هيموتو راح مرجع السيف تاني مرضاش يموتو ناس كانت هتجنن ليه مموتوش قال قبل كده كنت هقتلو لله دلوقتي هقتلو لنفسي لما تف عليا نفسي اللي عايزه تقتلوا فرجع في كلامو مقتلوش عشان التفه انتو متخيلين
طول منتا حساس انك مش تفه انك اتفه خلق الله وتفه في كون ملكش اي ستين لازمه وان ربنا معيشك بفضله وعظمتو بطل تعظم في نفسك لو انتا عايز تعظم ربنا قلل من شأنك اعمل اعمال فيها مهانه لو نفسك عفيه عليكي مش قادر تكسرها
هو انا بقول السجود ليه انا ليه دايما بقول امر السجود لان عارف لو انا قولتلكو هين نفسك عشان تكسرها
مستحيل تعملها اللي جواك دي فجره فايعه جوه نفسك مستحيل تتكسر الا لما تتهان
النفس متتكسرش الا لما تتهان سواء في أعمال أو حد يشوفك لازم تهنها عشان ترجع ليها وتفوقها من اللي هي في ده
طب هي مبتتهنش نعملها ايه عشان تفوق وتبطل تعظيم في نفسها؟!
بنقولها اسجدي كتير عشان تنكسر وعشان تاخد علي ربنا اسجدي يعني ولا حتي عايزه تتهاني ولا حاجه تهيني نفسك بيها تهدي النار اللي جواكي ولا عايزه تغيري حاجه طب عايزه تتغيري ازاي
انتا مش صادق لو ربنا عايزك هيديك مصيبه عشان تفوق خدو بالكو قضيه مصائب انتو شايفنها بمنظور تاني خالص لو ربنا بيحبك يبتليك مفيش فيها كلام غير كده كل ماكان العبد قريب من ربنا بيبتليه لان احنا بطبيعتنا قللاة الادب طبيعه نفوسنا عندها فيعان
الفيعان ده عمرو مايهدي الا لما تخدي علي دماغك عيل قليل الادب مش متربي هتتربي ازاي يابني اسكت اتلم خد بالك راعي ربنا يابني يابني مفيش فايده
طب مجيش الوعظ حاجة
واهجروهن تتجهليها ونعمل مش واخدين بالنا
مفيش فايده
طب واضروبهن
يدخل ربنا بقي بالضرب شلنا أيدينا خلاص اديها بقي فوق دماغها لانك مش عايز تسمع ماهي النفس لما تفيع وتبقي مش عايزه تسمع انا بشوف بعيني كلام ده مبيسمعوش لهم اذان لايسمعون بها ليه عشان النفس فاعت النفس شايفه نفسها خلاص كبرت مفيش حد قدها مفيش حد بيكسرها هي انا انا
طب هتعظم ربنا فين ان شاء الله امتي هتفوق من اللي انتا فيه ده؟!
لو ربنا بيحبك هيديك علي دماغك طب انا خلاص خايفة يارب وبطلت أعظم في نفسي وعايز اعظمك اعمل ايه ؟
اسجد كتيررر صلوات كتيررر وسجود طويل وكلو في ساعة السحر ساعة التنزيل الالهي
اللهم كملنا بالرشد والفهم عنك واكرمنا بالتقوي وجملنا بالعافية اللهم نظرة لقلوبنا فهمنا به ما فهمته لعبدك سليمان افتح مسامع قلوبنا للفهم عنك ولتذوق حلاوة ذكرك وقربك ياارحم الراحمين
تعليقات
إرسال تعليق