باقي ٤٥ يوم علي رمضان عقاب الرب الرحيم

 https://drive.google.com/file/d/1CxMaoXNdfZ58DxEJsu_PpQVgL7YkaN_i/view?usp=drivesdk

النهارده ١٥ رجب يعني خلاص في العد التنازلي وبترعب من يوم ١٥👀لأن خلاص اللي زرع واللي فهم أوله من آخرو واللي لحقت نفسها قبل ما تكون مسمومه 

ترتيب أوراق 🗂️ وتحديد اتجاهات حاجات كتير بتحصل النهارده لأن كل اللي احنا عملنا في ١٥ يوم دول هيتبني عليهم ال١٥ يوم اللي جايين النهارده يوم فاصل بين ده وده نحاول نرتب اوراقنا نشوف اولنا من آخرنا نقعد مع نفسنا ساعه محاسبه للنفس عملنا ايه في ال١٥ يوم الي فاتو زرعنا ايه 🌳نوين علي ايه كام فتنه دخلتنا وكام فتنه نجحنا فيها وكام فتنه سقطنا فيها الكلمه بتعتك اللي بتقولي مش عارفه اعدي فويس ده كل معيد اسمع حاجه جديده وافهما الكلام ده كان بتاعي انا زمان بينشرح صدري لما بلاقي حد كده الفويس أو عموما اي درس كده ميتسمعش مره كنت زمان وبستغرب الناس هما بيزهقو ليه يعني عندي علي فلاشه كل سلاسل سيدنا البوطي فأنا مبزهقش لأن حرفيا كل مبسمع نفس الفويس انا بستفيد عكس مناس تقولك انا زهقت انا مليت بطلو نقد فيا انا مش طايقه نفسي انا خلاص جايبه أخري عارفه اللغه دي لغه ناس بتعبد ربنا علي حرف وحابين ده مجرد مطلعت علي لسانهم يبقي هما خلاص كده دخلو في زحليقه ⛷️وفي الرمال المتحركه 

عكس ده اللي انا سامعه من حبيبه قلبي ربنا يثبتك ويعينك 

 ملحوظه انتي بتقولي يعني سيدنا عمر كان يحق الحق ويبطل الباطل وبالفعل وكان بيزكي نفسه هي متتقلش كده هنقول أن احقاق الحق وابطال الباطل هو سببه الأساسي تزكيه النفس

 يعني هي كانت خصله في سيدنا عمر يعني هو كان مجبول عليها من قوته هو راجل مخلوق كده مخلوق قوي فاالناس بتقول علي نفسها شخصيتي قويه لو انتي كده مفروض نفسك تروح لسيدنا عمر سيدنا النبي قال اصحابي كالنجوم فبيأيهم اقتديتم اهتديتم حديث رائع يعني سيدنا عمر بكل قوته وشخصيته  القويه💪🏼 سعتك شايفه نفسك شخصيتك قويه روحي وهاتيلي سيرته ووريني هتجيبي ازاي طيبه وجميله وحنونه وعلي قدك وانتي مش قويه اوي  عندك شخصيه دي يبقي اجري علي شخصيه سيدنا ابوبكر ووريني حقيقه المحبه عامله ازاي جايبلك اتنين عكس بعض تماما في الشخصيه والاتنين عاشو في الدنيا مع سيدنا النبي وفي البرزخ مع سيدنا النبي وطبعا يوم القيامه مع سيدنا النبي ايه الشرف ده لما سيدنا النبي يكون في جنبهم الاتنين في البرزخ مفيش حد. غبطتو في الدنيا قدهم  مش بس عشان هما حابيبه لا عشان هما جنبو في البرزخ فسبحان الله شخصيتين عكس بعض وشخصيتين واو وهما مش معصومين مفيش صحابي معصوم وبتالي هو بشر زينا بس هو بشر شاطر خد المنهج ونفذو علي اكمل مايكون فربنا جابهم لينا كالنجوم عشان بأيهم اقتدينا أهتدينا يعني نشوف واحد منهم شخصيتو ملائمه ليا انا كشخصيه واروح ورا الطريق بتاعو فا مثلا  سيدنا عمر كان قوي بيقولك الوحيد اللي كان بيوقد قبل الاسلام يعني شوفو قد ايه كان جبار وقاسي وجبروته كان عامل ازاي شوفو بقي لما سيدنا النبي دعي اللهم اعز الاسلام بأحد العمارين 

ربنا اختار سيدنا عمر بن الخطاب فهو شخصيه قويه وكان من المترجلين  مش بس قوه شخصيه لا قوه البدن مترجل يعني بيركب الخيل رجله توصل لارض واقرع وشوه ابيض في احمر جميل فكان ليه هيبه كده فشخصيتو الجميله دي بقوتها دي كان مع نفسه زي مااحنا عارفين عمر بن الخطاب بيلوم نفسه فكانت طبيبعه الشخصيه قويه لو انتي شخصيتك قويه ومش جلدها اللوم بتاع النفس أن انتي تكسري الروعنه بتاعتك يبقي خلاص كده هتبقي هتدخلي في دائره فرعون لأن من شخصيات القويه عمر بن الخطاب وفرعون وعليكي أن تختاري 

فإذا كلمه وكان بيزكيها لا هي الأساس ثمره التزكيه أنه يحق الحق ويبطل الباطل سيدنا عمر كان بيعمل موف اون بسرعه مفيش عنده حته دي ويقع في مشكله مفيش حد عنده الاحقاق ويكتمل باسم الله الحق وعنده مشكله في موف اون مش موجوده اصلا في حياتو 

وطبعا ا ه اللي يجاهد نفسه خلاص هو دخل في جهاد الاعظم ولو مات يكون شهيد وميكنش عندك شك ١% لازم يكون عندك ثقه في ربنا لأن سيدنا النبي قال منكم من يمت علي فراشه وهو شهيد بايه بقي اللي احنا بنقول عليه ده أنه قاعد بيحارب في نفسه مش بيحارب حد تاني مش بيغل علي حد تاني مش مركز في تفاصيل حد تاني مركز في تفاصيل نفسه وبس فمجاهده النفس هي كل حاجه لو طلعنا بس من رجب وزرعنا الزرعه دي مش بس فزتي السنه دي انتي فزتي باقي عمرك اللي جاي كله 

🤚مجاهده النفس بتيجي بالصبر

👌 والصبر بيجي بسجود الطويل 

طول عمري بقول كده دلوقتي ابتديتي تفهمي لما 

 أقول سجود طويل يبقي انا قصدي بيها 

هنصبر علي نفسنا

 هنصبر علي العباده 

هنصبر علي وقت اللي هنقوم في بليل

 ونقعد في مع ربنا أقل حاجه ساعه بليل تقعدي فيها مع ربنا وتتكلمي معاه 

✍️منعه عطاء وعطاءه منع

 عميقه هي صعبه شويه هي مش صعبه لا هي صعبه كتير هي مش محتاجه تخيل هي محتاجه حياه محتاجه ممارسه زي لعب الحديد كده عشان تطلع العضله او عاوزة تشدي جسمك محتاجه منك تمارسي الحديد لمده سنه كامله وانتي مش منتظره اي نتيجه خالص فكل حاجه في حياتنا لو شفتيها بالمنظور ده رعونه نفسك هتهدي

 المنع عطاء والعطاء منع هنا مكمن السعاده أن لما يدخل عليكي خير تبصيلو واخده بالك أن وراه منع فتخافي فتهدي من الفرحه ولما يدخل عليكي الغم تبصيلو بابتسامه وتعرفي أن وراه عطاء فتهدي حصل توازن 

يتوازن عندي اقبالها وادبارها هي الحته دي المعني ده كل نعمه جميله انتي شايفها هتهدي لمجرد أن انتي شايفه وراها منع والعكس دي حكمه بن عطاء الله والعكس حاجه وحشه وغم ونفسك في حاجه مخدتهاش اعرفي أن ورا المنع ده في عطاء مخفي بس انتي مش شايفاه في نعمه خافيه بس انتي مش شايفاه دي متعه الدنيا انك تخلي القاعده دي ليكي زي صوره اللي بتحطي في شاشه

 

🤔اه ازاي شوقي للحبيب سيدنا النبي صل الله عليه وسلم وحبك ليه حاجه حلوه تدخلك سجن لمده 7 سنين لما كنت بديكو زمان الدروس من مقرأت السيره وعشت فيها انا بس مش كنت عايشه في السيره لا انا قرأت المجلد في تلات ايام مش فاكره الكتاب كان ايه كنت واخده في المعهد وبدور علي كتاب ده بقالي سنين ومش لاقيه لاسف بس حلاوه البدايات بقي كنت بحلم كل يوم اني ماشيه ورا سيدنا النبي وسيدنا ابو بكر ودنيا ضلمه وهما رايحين يصلو الفجر واقفه اصلي وراهم ومستخبيه عشان انا ست مينفعش اصلي ورا رجاله ويوميا في خلال تلات ايام اللي بقرا فيهم كتاب اشوف الرؤيه دي كان نتيجتها ايه الكتاب عمل عندي حاله جنون كالعاده بندمج لدرجه مش طبيعيه شوفي لما بتنحي للفيلم ولا مسلسل تبقي عامله ازاي انا بكون عامله كده في القراءه ممكن نفسي يقطع افتكر اني متنفستش فتره واندمج لدرجه اني انسا الدنيا باللي فيها فمابلكو وانا بقرا اول مره في حياتي سيره سيدنا النبي كلام ده من عشرين سنه فضلت علي حال ده وكل متاقبلني مشكله ارجع للكتاب تاني اقرؤ بقي عندي اعتقاد عارفين البنات المجتهدين عارفين الكلام ده لما تقراي الكتاب تلات اربع مرات انتي خلاص شربتي ولخصتي 

فلخصت السيره كلها في دماغي بشكل منظم جدا ومنهجي جبت سيره عملتها تلات تتلات كده الجزء مقبل البعثه بعدها لاقيت الناس كلها بتعمل كده دي بردو بقت حياتي افكر واعمل ابص الاقي ناس متعرفنيش عارفين فكره القرد اللي اتعلم اكل موز لوحدو وفجاه ناس كلها عرفتها فكره انتشار الخير في الكون ده فجيت عملت تلات تتلات بحب تنظيم تلت ماقبل البعثه وتلت مابعد الفتح وعملتها في ورقه كبيره ولخصتها بشكل منهجي جامد جدا وبقي كل المعهد ياخد الورقه دي مني ويصورها ويعملوها تصغير وانتشرت انتشار فظيع علشان توصلي مرحله انك تجيبي السيره كلها من كتاب 500 صفحه وتعمليها في ورقه كبيره عارفين بتوع الحروب لما يحطو ورقه كبيره بلان ويقعدو يخططو للحرب انا دي كانت بالنسبه ليا ورقه السيره فخلاص كل حاجه بقت قدام عنيا مقتنعه أن 23 سنه من عمر سيدنا النبي صل الله عليه وسلم مسبش فيها فتوته الا لما كانت خاصه بحياتنا يعني كنت مقتنعه 1000% ومازلت طبعا أن مفيش حاجه بتمر عليكي في حياتك الا لما تكون عدت علي سيدنا النبي صل الله عليه وسلم بشيء ما واعملي قياس وركزي وهتلاقي الحل عند سيره سيدنا النبي صل الله عليه وسلم 

جت بقي ياسيتي في مره عشان بتقولي اتعقبتي ازاي رعونه نفسي فرحه فرح الله اعلم كان حلو ولا وحش الله اعلم العقاب ده حلو ولا وحش جيت في مره بقول للنساء اللي بقولو بس مش بطريقه دي باريحيه وفرحانه مافي حاجه تعدي عليكي في حياتك الا لما تبصي ورا انا فاكره اوي لقطتي وانا بعملها 

انا ببص ورا فعلا بحس انا كده عايشه الحياه انا ببص ورا دائما علي سيره سيدنا النبي وعارفين بشفط حاجه من السيره اللي انا قراتها اروح عملها كوبي وبست علي حياتي دلوقتي علشان هشوف هحلها ازاي يعني مفيش مشكله تعدي عليكي في حياتك الا لما تبصي ورا وتشوفي سيدنا النبي عمل فيها ايه في مشكله دي وتيجي تحلها طب ازاي وانتي في العصر غير العصر واكيد في طقوس تانيه بس لا تحبي سيره صح وتحبي هو صح هتلاقي نفسك في استحضار للحل المشكله من خلال تجربه ما في حياه سيدنا النبي صل الله عليه وسلم يعني مثال في قصه الغيره النساء انا دائما اقول انتو عاملين كده ليه اللي عندكو دي مش غيره ده حقد اسمه غل

امهاتنا كانو بيغيرو غيره طبيعه وموقف ستنا عائشه لما خبطت القصعه بتاعت سيدنا النبي صل الله عليه وسلم لما كانت جايبها السيده صفيه جايبلو قصعه فيها اكل فستنا عائشه غارت وراحت رزعها برجلها كسرت القصعه انا بعتبر حاجات دي لقطات سينمائيه متعديش كده 

لقطه كاني عايشه هناك هو ازاي دي عدت انتو هنا بتقولو الرجال مينفعش يسكت لمراته لما تهزقو قدام الناس ده يقوم يديها قلمين والدينا تخلص عشان عزه نفسه وكرامته يجي سيدنا النبي يعمل موقف مناقض تماما لمعني الرجوله الغبي اللي احنا عارفينه دلوقتي ويبتسم ويوطي علي الارض ويلم مكان ماهي كسرت والصحابه واقفين مزهلوين ازاي جرأت عايشه تعمل كده قدامنا

عشان شاف في عيونهم الغيظ منها راح ابتسم وقالهم غارت امكم وهو بيضحك ايه السكر ده ايه العسل ده شوفي الجمال يعني هو مش بس مش فارق معاه لان دي دنيا لا ده كمان بيهدي قلوبهم عليها 

انا اجي اقيس غاره امكم  

اجي اشوف حماتي وكنت لسا صغيره دي امي مش حماتي لما تيجي تضايقي أو اي واحده فيكم لما تيجي تتكلم عن حماتها فبستغرب هو انتي لو بصتيلها أنها امك حقيقي من جواكي عمرك ماهتتكلمي عنها كده لان هي تصرفتها معاكي زيها زي بناتها عادي جدا الست بتتعامل مع عيله صغيره هتتعامل معاكي ازاي سعتك بشوكه وسكينه منتي بنتها تهزقك وتضربك عادي فلو انتي مشكله عندك انتي ابتديت اتعامل كده مع حماتي واقعد تحت رجلها وانا اصلا ميعملش كده مع امي بس عشان الحته دي تربطي دي بدنيتك تجيبي من الدنيا لاخره في دي دنيا فسيدنا النبي جي عند حاجات الدنيا وراح معديها ولما دخلها خلاص هدي صحابه قدام الرجاله هي هزقتو يعتبر بينها وبينه بيضحك معها ويقولها غيرتي ياعائشه لما كانت يتغير كان بيمسكها من مناخيرها بيهزر معها فتانيه فعات اكتر واكتر وتروح قائله تشاور بعقله صبعها كده حسبك منها أنها يعني اوزعا خدو بالكو كلام ده بينها وبينو في اوضه مقفول عليهم باب بره هزقتو قدام الرجاله وضحك ولم ليله ودخل كمل هزار معها لما قالتلو كده وهما لوحدهم وشاورت بصباعها يعني هي قصيره بتقول وش سيدنا النبي قلب والعرق اللي عارفينو بينفر من بين حواجبو كان ليه عرق بيظهر لما يغضب سيدنا النبي صل الله عليه وسلم من كتر وشه احمر والعرق طلع ستنا عائشه فاقت وخافت فقالها ياعائشه انتي قولتي كلمه الحديث ليه روايتين أنها متكلمتش وشاورت بصبعها بتتريق يعني وحديث أو روايه تانيه قالت انها قصيره ففحالتين قال كده انكي قولتي كلمه لو مزجت بماء البحر لعقرتو ينهار طين ايه ده قيسي بقي سعتك شوفي كام حد من الفنانين اللي بتتريقي عليه وتشتمي في كام حد جابو سيرته قدامه وتخوضي في كلام عادي باستهانه دلوقتي في العصر سوشيال مديا مش زي زمان تقريبا الفنانين دول اكتر ناس واخدين حسنات علي حسنا ينهار ابيض يعني لمااقول كلمه علي حد من ظهرو أو اشوه سمعه حد قولت كلمه لو مزجت بماء البحر لعقرتو ايه الرعب ده إذا موضوع صعب وكبير وسيدنا النبي مكنش يغضب غير لله ولقطه سينمائيه بتاكد كده بره قدام الرجاله ضحك وجوه بينهم وبين بعضهم لما اتريقت عليها غضب فجريت بسرعه باست ايده وقالتلو استغفرلي يارسول الله وخلصه الليله ادي موقف مثلا من مواقف السيره عدي بقي من ده كتير شايفين انا قستها ازاي مره علي حماتي ومره اني مغضبش غير لله وهكذا تلاقيها خلاص لقطه دي بقت محفوظه وكل ميحصل حاجه في أمور الدنيا تفرقه بين أمور الدنيا والآخرة استحضر الموقف ده فبتالي وانا بتكلم مع النساء وفي المسجد وبقول اي موقف في حياتكم تبصي ورا وتشوفي سيدنا النبي صل الله عليه وسلم هتلاقي حله في السيره ملكيش عزر عند ربنا فأعتقد يعني وبعدها ربنا دخلني في الامتحان اللي انتي مستغرباه يعني ايه حاجه فيها حب تخليكي تمتحني 7 سنين سحر وبلاوي وربنا جابلي شخص ماانزل بيه من سلطان متعرفيش انسان ولا جن شوفت حاجات غريبه انسان قدامك عادي بياكل البلح بالنوه بتاعه وميمتش ويعيش حياته عادي حاجات لو انا حكيت طبعا انا الحقبه دي عندي في صندوق الاسود مقفوله لسا مش عارفه افتحها لأننا يدوب خارجه من التجربه لسا مش هقدر اتكلم عن حاجه زي كده او مش مسمحولي اني اتكلم عن حاجه زي كده لان حرفيا ماانزل بيه من سلطان عارفين ويخلق ماتعلمون اه ربنا حطلنا الايه عشان متقولش في 99% حاجات معروفه ولاكن في 1% ويخلق مالا تعلمون اهي جتلي 1% عشان جرؤت وقولت لا انا هكرت الدنيا وجيايلكو من العالم الاخر وعارفه كل حاجه سيدنا سليمان كان كده لما فرح بالخيل بتاعه وربنا قعدو علي كرسي بتاعه فتره طويله من زمن سنين سيدنا يعقوب اتعاقب بردو بنفس طريقه شوفي بقي 40سنه لما بعد عنه سيدنا يوسف بسبب أنه خاف عليه زياده عن اللزوم وقال أخاف أن يأكلو الذئب اذا قضيه العقاب هي شقين عقاب انتي عامله معصيه كبيره مع ربنا بيعاقبك بيها وتعيشي بيها سنين طويله او زي كده عقاب حاجه حلوه مش وحشه تجرأتي حبك طغي عليكي لدرجه انك تجرأتي لأن روعنه بتاعت النفس بتعمل معاكي كده يجي ربنا شادد ودانك عشان يوريكي طلاقه القدره شيخنا الشعرواي رضي الله عنه كان بيقول كلام ده ربنا عنده طلاقه قدره دائما يطلقها علي كل ناس اللي زي حالتنا كده قالت خلاص انا هكرتها انا خلاص وصلت طب خلاص تعاله ياحبيبي بتقول خلاص وصلت تعاله اوريك الجانب المخفي من الحياه ليفل الوحش ليفل الناس اللي معندهاش سقف فيجي ربنا يعمل معاه طلاقه ال

قدره

أنا مش عايزة الفويس يخلص من حلاوته 🥺🥺

وانا زي سمكه بكون مش عايزه الفويس يخلص 

انا عماله اسمع ياماما ونفسي اكون زي سيدنا عمر رغم اني عكس شخصيته اصلا وهو ينفع اخد شخصيتين بس حضرتك واخده الاتنين ياماما قوه سيدنا عمر وشخصيته القويه وحنانه ورقه سيدنا ابو بكر الصديق 

احنا عايزين نعرف اسم كتاب السيره اللي حضرتك قراتي 

عارفه بحس ياماما أن ربنا بيحطك في مواقف دي وفي كل حياتك عموما عشانا احنا يعني حضرتك متمرمطا عشان تخلصي تجربتك وتيجي تقولي حصل وحصل حضرتك مسبتيش فتفوته الا لما عرفتينا نتصرف ازاي 

وحتي حماتي دي أنا في الاول كنت بضايق اوي منها واقول هي مالها بتتدخل في حياتي ليه يعني تيجي البيت عندي تقولي اعملي ده وشيلي ده 

لما حضرتك قولتياي حطي نفسك مكانها ابتديت استوعب أنها بتتصرف نفس تصرفات امي بظبط معايا في كل حاجه 

بس حته حماتي دي جوزي اللي كان بيكرهني فيها اول جوازنا يجي يقولي دي بتقول عليكي انك مهمله كان حرفيا بيشحني منها ومعرفش بجد كان بيعمل كده ليه رغم أنه ملوش في لت 

نفضلتو وببقيت احاول اصلح علاقتي بيها وانا في عادي بتعامل مع اي حد بسلامه نيه وهي اصلا سبب جوازي لجوزي وهي اللي مختارني 😂 حولت اصلح علاقه واكبر دماغي ومركزش معها واعدي وفي يوم روحت قولتها ابنك بيشيلني منك وبيقول انك بتقولي عليا كذا وكذا قالتلي ولا قولت حاجه وانا عارفه حماتي لو عايزه تقول حاجه بتقولها في وشي 

عشان كده لما بيقعد يتكلم عن طفولته مش بتأثر بقولو انت تستاهل وده اكيد رد فعل لامك عملتو عشان انت عايز تتربي هي لو وحشه مش هتشيل همك وانت شحط عندك اربعين سنه 

دلوقتي بقي برمجه اللي بيعملها كل يوم ليا بليل اسمعي كلام جوزك 😂 كل يوم حرفيا

كل واحد فين ياحبيبتي واخد الاتنين بس ساعات الواحد علي حسب شخصيته قصدي بيه اللي بتميلي بيها اكتر حاجه في حياتك اكتر معاملاتك في امور حياتك الشخصيه بتميلي الاتنين لأن الاتنين حابو سيدنا النبي وعشقو سيدنا النبي بس كل واحد فيهم اتعامل مع المحبه دي بطريقه شخصيته لأن كل واحد عنده نضاره النضاره اللي بيلبسها دي هي نسبه محبته لسيدنا النبي صلي عليه وسلم ينطبع عليها الشخصيه شخصيتك الحقيقه يعني سيدنا ابو بكر لي كده مواقف ولقطات في حياته بتقول لا ده مش محب بس ده عاشق ولهان لحبيبه سيدنا النبي صل الله عليه وسلم سيدنا ابو بكر لا سجد للصنم ولا شرب خمره خالص في شبابه لانه كان صديق سيدنا النبي يعني هو طالع معاه صديق الطفوله زي مبيقولو فرق اعمار بينهم كانت صغيره جدا بين سيدنا النبي وسيدنا ابو بكر سنتين اللي هما سنتين اللي هيمسك فيهم الخلافه وكلهم ماتو عندهم 63

يعني موقف سيدنا ابو بكر لما انتقل سيدنا النبي صل الله عليه وسلم عكس تمام موقف سيدنا عمر في حياته الشخصيه حياه سيدنا عمر كلها زي مااحنا عارفين قوي جي لما سيدنا النبي مات بقي أضعف من عصفوره مبقاش عارف يتحرك ومش قادر يقوم من مكانه بقي مسكينه من ايده ويسندو ويحركو شمال ويمين وهو تايهه صدمه ساعات بتخلي الواحد يتهوه ومش مركز في بشيرتنا الطبيعيه يعني انسان ملاك ومش معصوم فبتالي ردت فعله ساعه الصدمه كانت شديده جدا مكنش مستوعب أن سيدنا النبي ممكن يموت لاكن اللي كان متحضر للمهمة دي وكان قوي ساعتها وكان واقف وقام ومسك مكريوفون وقف علي منبر وعلي طول لما لاقي ناس ابتدت تهتز وهنا قضيه دين مش قضيه محبه قضيه شرع الله هيقع في الأرض فراح واقف زي الأسد علي المنبر وراح قال الكلمه اللي كلنا حافظنها من كان يعبد محمد فإن محمد قد مات رغم أن كلمه مات لما تتقال عن سيدنا النبي انا مقدرش اقول انه مات اقول انتقل سيدنا النبي صل الله عليه وسلم كلمه شديده اوي أنها تطلع علي اللسان فيطلع ابو بكر حبيبه الجميل والرقيق والطيب يقولها بمنتهي القوه ومن كان يعبد الله فأن الله حي ومن كان يعبد محمد فأن محمد قد مات متطلعش يعني في ساعه موت شديده وقويه اوي اللي يخلي يعمل حاجه زي كده في الوقت واللقطه دي أن ناس كلها في حاله ضعف لا بقي ده ايمان غير طبيعي وقوه ملهاش نظير في ساعات المحب أحوال بقي زي مااحنا بنقول كل انسان وليه حال وربنا وفقه في حاجه زي كده لانه مفروض اللي يمسك الليله بعد كده فمجرد ممسكت عجله القياده اللي قاعد علي عجله القياده لأن اللي بيسوق غير اللي قاعد ورا قاعد مرتاح طالما هتمسك وتسوق يبقي لازم شخصيتك غير خالص يعني واحده مطلقه او جوزها مات وسبلها عيال دي هتبقي زي اي ست اكيد لا اكيد كلنا شفنا حاجه زي كده هتلاقيه قويه وربنا حاطتت فيها الصحه والعافيه والقوه البدنيه والنفسيه وشخصيه قويه وتحسي أنها قاعده بالف راجل الله غير واحده متجوزه ومدلعه وكلام ده ونفس الست المدلعه ورايقه دي سافرلها جوزها هتلاقي بردو وقفت وبقت بطله بتتفاوت طبعا علي حسب ميوعه الست في إيمانها وزياده وقله الايمان  

يعني احنا كبشر كلنا في صدمات واحد لاكن مسكه عجله القياده بتاعت سيدنا ابو بكر ملهاش نظير محدش كان زيو ولما نص مسلمين ارتدو عن الإسلام لما سيدنا النبي انتقل يجي بقي خلاص هنحارب هنعد للحرب نص ارتد ونص تاني بيقول هنمنع زكاه خدو كل الاسلام بس زكاه م هنعملها اللي هو حد بيفاصل اعدي طبعا الجيش اللي سيدنا النبي اعدو قبل مينتقل وكان القائد بتاع أسامه وراح مخلي الليله كلها سيدنا ابو بكر فعمر بجلاله قدره يقولو طب براحه بقي يعني احنا هنحارب كل ده ازاي علي أقل نحارب اللي هما ارتدو خالص ونخلي شويه بتوع الزكاه دول معانا يساعدونا أننا نقاتل التنين لأن احنا عددنا خلاص مبقاش عادي جدا واحد في استشاره حرب انا مش متخيله اللقطه اللي يخلي سيدنا ابو بكر يشتمه اجبار في الجاهليه خوار في الاسلام ياعمر ينهار ابيض كلمه وحشه اوي شتمو شتيمه وحشه جدا انت اي كلام يعني 

فالحب ياولاد الحب الحقيقي بيعمل حاجات حلوه اوي بيطلع منك اجمل ما فيكي 

 وكتاب سيره اللي قراءتو مش فاكره بس بعد كده جبت مجلد سبل الهدي والرشاد ده بقي في تفاصيل التفاصيل بتاعت حياه سيدنا النبي صل الله عليه وسلم تفاصيل بحث علمي تحسي ان واحد بيحضر عليه بحث علمي وطبعا معروف اللي هو سيره ابن هشام اقرؤ سيره ابن هشام خفيفه وعلي قد حال اي كتاب في السيره عارفين اللي بيحب اي حد بيتكلم عن حبيبه بقعدلو أو لازم اسمعلو هو تاني بس عشان حلاوه البدايات كان باهرني بس بقيت بعد كده بقرا اي كتاب خاص بسيدنا النبي صل الله عليه وسلم وساعتها قولت كلمه تقريبا لسا واخده بالي انا عايزه اعمل دكتوراه في حياه سيدنا النبي صل الله عليه وسلم اتاري ربنا خلاني اعملها عملي وانا مش واخده بالي كل تجربه في حياتي اللي فاتت دي كانت فظيعه الحمدلله سيدنا النبي سيرته عارفه لما ستنا عائشه قالت عليه كان قرأنا يمشي علي الأرض انا كان اكون كده مع حياه سيدنا النبي صل الله عليه وسلم حياته مفيش زيها زي ما القران كده محدش يقدر يعمل زيو انا نزلنا الذكر وانا له لحافظون انا بالنسبه ليا سيره سيدنا النبي صل الله عليه وسلم كده ملهاش مثيل مفيش نبي في الدنيا ربنا جابو ولا مخلوق كانت حياته زي سيدنا النبي ولا تعب زي حبيبي كده تعب اوي يمكن الحاجه الوحيده اللي مخلياني صابره علي دنيا أنه هو تعب علشاني كل واحده فيكو لازم تحس كده مش تعب علشانا الحب منفعش في تعيمم الحب طبيعته اناني فخلي دائما حبنا ليه اناني هو تعب عشاني معقوله بعد متعب عشاني اكون هايفه اوي كده معقوله بعد اللي شافو في حياته ده كله اخذلو اخلي يجي يوم القيامه ميبصش عليا حتي يقولي سحقا سحقا معقول اوصل لدرجه القذراه طب انا معملتش معصيه عشان يقولي سحقا سحقا انا عايشه متجوزه ومخلفه وبحاول اقضيها بمجرد أن الدنيا تكون في قلبك انتي بقيتي سحقا سحقا عشان كده ادتلكو الحديث اللي هو قالو ملعونه الدنيا ملعون مافيها الا هو اداكي الطريق رسملك الطريق ذكر الله أو عالم أو متعلم ومن ولاه قايلك منهج بتاعك امشي علي الاربعه دول مفروض تكون تفاصيل بتاعت اليوم كلها بتناغم في الاربعه دول يبتذكري ربنا ياقاعده مع عالم يبتسمعي عالم ياقاعده بتتمحكي في عالم علم يعني طب انا اكل عيالي ازاي واشربهم واروح شغلي ازاي وازاي اليوم كله هيكون الاربعه دول ذكر الله بقي هي دي اللي مسكهلكو عالم أو متعلم تاخد منك ساعه في اليوم درس علم ولا حاجه لاكن ذكر الله بقي عشان كده بقول متبطليش دي عشان متخشيش في اللعنه عشان كده قال ولايزال لسانك رطب بذكر الله مش محتاجين سبحه لازم يكون مبدأ ده عندك من الخوف انك تخشي في لعنه الدنيا لان بمجرد متبطلي ذكر الزحليقه بتخديها علي طول فتنه عيال بتخديها واصعب فتنه بالنسبه للنساء بذات فتنه العيال والزوج يعني ايه فتنه عيال وزوج تلاقي نفسك تافهه وخفيفه وسطحيه وحاجه كده عقلي بيشوفها بيكون عايزه ارجع اللي هو ايه تاففه دي ايه سطحيه دي ايه تضيع العمر والوقت ده هي دي لوحدها تخلي سيدنا النبي يقول سحقا سحقا بعدا بعدا الذكر بقي يعمل فيكي ايه يتقلك كده يخليكي موزونه لانك ماشيه علي منهج أو لما تلاقي حد تافهه اعرفي المنهج ضاع منه ماشي كده من غير سند اياكو وذكر الله متسبوش سبحان الله وبحمده ولا اسماء الله الحسني والصلاه علي النبي ثابته معاكي كل يوم 

الذكر والسجود اكتر حاجتين بتعينك علي هم الدنيا ده