يلا باقي ٧ ايام علي أول العشرة الاسبوع ده تصفية حسابات

🕛 افرح انتا ماشي في طريق الحج من ٨٠ يوم لسه قلبك مش مصدق انك سبقتهم كلهم 

 🤔فاكرين قلنا أية من ٨٠ يوم 🤚

ياهادي عليك اعتمادي عدي عشرين يوم من شهر المدد ياتري حصلنا المدد

 في اتجاه في حياتنا وانا لموسعون ربنا وسعلك اني حتي جواكي كل يوم في مدد جديد واتساع جديد اتساع جواكي يعني فهم جديد جواكي الحياه مبتقفش كل يوم انتي مش انتي 

انتي مش بتاعت امبارح زي مافاهمه انتي في شيء جواكي بيتغير في حاجه بتحصل جوه كل واحده فينا بيحصلها تحول في حياتها 

انتي بايدك يتحولي للحلو او للوحش بأيدك تكوني مكلكعه وصندوقك اسود مليان قرف وبايدك  تحوليه لحاجه حلوه فهم ووعي ابيض جميل 

دابل فيس واحده جوه الحدث واحده بره الحدث يوم متوصلي للمرحله دي وتشوفيكي من منظورين وتشوفي عيشه جوه دي مندمجه مع البيئه اللي حوليها وتشوفي واحده من بره قاعده باصه عليها اللي هو انتي بردو وشايفه اللقطه من بعيد يعني إنتي الحاكم والمحكوم انتي المحبوبه والمحبه انتي النور وانتي الضلمه انتي الخير وانتي الشر كلنا علي فكره كده كل واحد فينا جواه جانب مظلم وجانب مضيء بايدك تكتري مساحه النور علشان كل مازادت قله مساحه الضلمه وبأيدك بردو العكس 

🕛من النهاردة ليلة الجمعة لغاية زي النهاردة الاسبوع الجمعة الجايه  هنخلص القديم كلو هنظف الأرض قبل منبدء في العشرة بتوع الحج

١_ توبة

 ٢_ تقليب في ارضنا 

٣_ نفصل عزلة يعني عن البشر

       🕛 انتي مسافرة خلاص 

نشوف وصلنا لفين وكنا فين محتجين نقعد مع نفسنا كتير الاسبوع ده تصفية حسابات مهمه جدا 

ورقة وقلم وتحسبي من الحج ال فات للحج ده أية الجديد في حياتك 

واحد اتنين تلاتة لغاية متصفي حساباتك معاكي 

شوفي نجحتي في اية وآية ال مقدرتيش عليه 

ورقة وقلم🗒️ونكتب الحاجات ال محتاجة اشتغل فيها علي نفسي والدعوات ال محتجاها من ربي 

ودعيت اية واتقبل وآية ال لسه متقبلش

   👌 مش معني كدة انو مش هيتقبل 

في دعوات بتاخد سنين عقبال ماتتحقق عادي

🤚 اياكم واليأس

واخد اخر واجب بقة اسم من اسماء ربي هيعنا علي الوصول للهدف مباشراً

إسم الله القدوس

هايطهرنا وينورنا ويوصلنا

اللهم بكمال وجمال ونور إسمك القدوس قدس ارواحنا لتكون أهلا لتلقي انوار جمال حضرة الرسول وهب لنا حجه وعمره في حضرته وبصحبته فأنتا ولي في الدنيا والآخرة حُرمنا صحبته في الدنيا وحُرمنا الحج معه فلا تحرمنا عظيم صدق صحبة ارواحنا له ياقدير